講到係香港食杭州菜, 首選梗係呢間天香樓, 除左食材地道選料靚, 出品仲保持得好好. 但因為價錢比較貴同好難訂位(每晚衹做5-6張枱), 所以唔可以成日黎, 真係對佢又愛又恨. 今晚3個人食左6個餸埋單二仟銀, 係一個好食又好滿足嘅晚餐.
醬蘿蔔-開胃前菜, 蘿蔔好爽脆.
陳年花彫酒-唔記得問幾多年, 不過之前飲過嘅就有28年陳, 同樣芳香醇厚.
肴肉拼醬鴨-地道冷盤, 送酒嘅好選擇.
龍井蝦仁-龍井清香, 蝦仁鮮嫩.
松子桂魚
冬筍豆苗-時令冬筍, 清鮮嫩爽脆.
東坡肉-原盅燉制, 火喉十足. 五花腩肥瘦比例剛好, 入口鬆化無渣. D汁撈飯重正.
清炒蟹粉-食過所有蟹粉之中做得最出式, 賣相同味道都一流. 衹選用雄蟹嘅膏同蟹身嘅肉拆制, 豐盈油潤, 軟滑甘香又鮮味, 送飯更加無敵.
雜果酒釀桂花丸子-飯後奉送嘅甜品, 一定要留肚食, 新鮮雜果加埋清甜嘅桂花丸子, 真係冇得彈.
瀏覽人數 :
感謝 大力 提供以上資料
大力的網誌: http://www.daileghk.com/
