(8月3日)今日原本諗著晚上在家埋玩煮飯仔, 但下午到CitySuper行了一圈之後都找不到靈感, 所以晚上都係出街食啦. 很回味上次到九龍城食到的水煮西江拑魚, 今晚就決定再去回味館開餐, 今次嘅水煮桂魚一樣咁好食, 仲有碟炸大腸送添, 令外試多一味鹽焗奄仔蟹, 直情好食到癲, 令人再三回味.
脆皮炸大腸($46)-有Coupon免費奉送, 皮脆肉軟甘香, 感覺冇咁熱氣, 送酒一流.
水煮桂魚($128)-今次加麻少辣, 魚肉起片, 鮮嫩帶點麻辣香, 窩底有白菜,黑木耳,大豆芽同草菇, 越食越滋味.
鹽焗奄仔蟹($168)-原隻鹽焗, 簡單無花巧, 蟹羔軟滑甘香, 蟹肉充實而鮮甜味美.
(5月12日)今日再到回味館食飯, 首選當然係香辣蟹, 老版娘仲推介水煮拑魚同疆葱田雞煲. 全部都好好味, 令人一再回味.
侯頭菇豬肉湯($26)-老火湯, 火喉十足夠清甜.
香辣蟹($228)-雖然加左價, 但同樣鮮甜啖啖肉, 今次加左D西芹一齊炒仲正.
水煮西江拑魚($126)-原條起片, 鮮嫩滑溜, 麻香好滋味.
薑蔥田雞煲($56)-生劏田雞, 鮮香惹味.
(3月8日)今日下午在紅磡POLYU上完個研討會之後, 便去很久沒有到過的九龍城食晚飯, 首選就係順記潮州菜, 不過太多人, 等左廿幾分鍾都未有枱, 所以唯有去同樣咁正嘅回味館. 此店自07年起巳幫襯, 主打川粵客菜, 初時對於冇專一主題的菜館並不討好, 但試過之食後, 覺得都幾有特色, 同埋用料新鮮, 水準唔錯.
香辣蟹($138)-大肉蟹鮮甜啖啖肉, 炒得香辣又惹味.
油鹽水大蜆($48)-大蜆夠鮮甜, D精華盡在粉絲內.
豉汁炒海瓜子($42)-海瓜子有D似迷你聖子, 肉質軟淑鮮甜, 豉汁微辣惹味.
薑蔥生蠔煲($66) - 6隻生蠔夠大隻, 薑蔥爆得好香口.
椒盬羊架($66)-羊肉嫩腍, 惹味又唔羶,
生炒雞($65)-新鮮龍崗雞, 肉夠鮮嫩同有雞味.
肉碎金蠔鬆生菜包($68)-粒粒甘香.
![]()
荔芋油鴨煲($68)-荔芋先炸後炆, 可惜乾身左D, 同埋D油鴨都唔係一齊炆, 有D失望.
夫妻肺片($28)-個麻辣汁實在太勁辣, 下次要分開上.
回味炒飯($46)-炒得乾身, 似少辣嘅楊州炒飯, 連D蝦都冇用雪藏貨, 有水準.
瀏覽人數 :
感謝 大力 提供以上資料
大力的網誌: http://www.daileghk.com/
