今年嘅中秋節大餐我地先到海鮮檔買海鮮, 再到有機菜檔買荷蘭豆, 九龍城買餸, 泰國雜貨舖買新鮮香茅+青胡椒料, 然之後回家玩煮飯仔.
八頭大花竹蝦($90) - 好在之前己入定貨, 所以平靚正. 原來今日全九龍城街市都冇咁靚嘅貨式.
北海道生食用元貝($32) - 購自大昌, 優惠價$85一合500g(約20粒). 都係平靚正.
潮州大紅蟹-足1斤12両($580), 購自九龍城街市外(因為全九龍城街市都冇貨), 價錢須貴, 但重身實肉夾鮮甜, 好滋味.
香茅胡椒大蝦煲-新鮮香茅+青胡椒, 香氣撲鼻, 大蝦鮮爽, 隻隻有膏啖啖肉.
荷豆炒帶子 - 有機荷蘭豆爽夾甜, 帶子鮮甜好味.
瀏覽人數 :
感謝 大力 提供以上資料
大力的網誌: http://www.daileghk.com/
