![]()
今日Join左個Tour早上9:30出發去塔斯曼冰河(Tasman Glacier), 所以要6:30起身食早餐, 然後要收拾埋行理Check-out先出發. 今日早餐嘅地方叫The Apline Restaurant, 景觀一流, 窗外嘅庫克山群盡入眼廉.
![]()
![]()
早餐以自助形式, 出品以西,日式為主, 鮮磨菇蕃茄同火箭菜沙律都係我嘅至愛.
![]()
日式早餐嘅納豆紫菜飯加麵豉湯更加滋味, 食完暖胃舒服, 補充體力, 心身暢快.
![]()
![]()
食完早餐返房收拾行理, 尚有時間可以喺窗邊慢慢欣賞庫克山群.
![]()
![]()
酒店提供埋望遠鏡可以用黎睇終年積雪海拔3,754米嘅庫克山峰, 山上薄薄嘅雪紋非常清晰, 好似鋪喺蛋糕上嘅糖霜.
![]()
Check-out 完喺酒店門口等專車去塔斯曼冰河(Tasman Glacier).
![]()
酒店門口巳經可以見到庫克山, 前面就係尋日Kea Point Walk 嘅入口啦.
![]()
十零分鐘車程後, 要步行多廾分鐘先到達塔斯曼冰河碼頭, 回頭望向酒店同庫克山群.
![]()
沿途見到有懸空冰河流下.
![]()
![]()
終於到達塔斯曼冰河湖, 好壯觀.
![]()
穿上救生衣就落快艇出發.
![]()
![]()
塔斯曼冰河碼頭望入去盡頭看似好近, 其實好鬼遠架.
![]()
![]()
離碼頭不遠已有由冰山碎落黎嘅浮冰, 形狀百變, 其實衹有10%露出水面, 90%在水底.
![]()
呢嚿浮冰相當巨形, 在陽光照射下渗透出晶瑩嘅淺藍色, 好靚.
![]()
![]()
晶瑩剔透嘅浮冰碎, 似水晶玻璃一樣靚, 但隻手就凍到入心.
![]()
呢嚿浮冰外表好光滑, 即代表碎落黎無幾耐, 係新丁黎架.
![]()
![]()
再駛入D浮冰又大嚿D, 背後就係塔斯曼冰山.
![]()
沿塔斯曼冰河駛入盡頭, 距離越近D水流就越急, 仲好大風添.
![]()
由於距離越近水流越急, 同時有可能D浮冰會除時脫落而擊起巨浪, 會是相當危險. 我地已經到左最近距離, 觀看超過500年形成嘅塔斯曼冰山, 感覺非常震撼同壯觀.
