探險家攻略 > 城中探秘 / 旅遊 / 美食之旅 > 特色景點 / 古蹟 / 廟宇 / 其他 / 長線旅遊 / 餐廳 > 關西福井白川京都五天自駕遊 (III)

關西福井白川京都五天自駕遊 (III)

由大力於 2010-02-16 00:00:00 發表 | 累積瀏覽 1359

分類：長線旅遊餐廳特色景點廟宇古蹟其他；地區：京都

Day 4(16-Feb-10) 京都 - 金閣寺 - 清水寺 - 祗園 - 花見小路 - 鴨川先斗町通

綿善旅館嘅京和式早餐, 好豐富同好多京都漬物.

京和式早餐 – 魚子腐皮凍.

京和式早餐 – 軟熟香甜嘅玉子燒.

京和式早餐 – 燒若狹平目魚, 自已控制火喉, 皮香肉軟.

京和式早餐 – 4款魚肉 + 脆米同昆布漬物.

京和式早餐 - 京都嘅地道漬物, 餸飯一流.

京和式早餐 – 紅豆草梅.

綿善旅館內嘅小店子, 有地道手信賣.

食完早餐後向首站金閣寺出發, 十零分鍾車程就到, 入場費(￥400).

金閣寺已列入世界文化遺產, 始建於1394年, 喺1955年重修後, 再在1987年貼上金箔直至現在, 金碧輝煌, 奪目耀眼, 同前方嘅鏡湖池構成一幅好靚嘅圖書.

金閣寺鳳凰殿頂上有個金鳳凰標誌.

沿路而行, 有個小形瀑布 "龍門の瀧".

第2站就去清水寺, 又係十零分鍾車程, 今次自駕遊可以泊喺清水新道 "茶わん坂"嘅盡頭, 唔洗行條"清水坂"大斜路, 舒服好多.

祗要上埋呢條樓梯就到大門口啦!

正門有個"仁王門", 右邊嗰個三重塔就喺入口喇, 入場費(￥300).

寺頂景觀一流, 可以見到京都市中心區.

清水寺始建於778, 於1633年重建至今已有377年歷史, 本堂"奧之院"依山而建, 好宏偉.

地主神社, 好多善男信女都黎呢度參拜.

有D日本男女仲會着埋和服黎求福求姻緣.

"戀占いの石", 求姻緣最靈.

路過見到有個露天茶座, 坐低抖抖順便食番碗糖水年糕紅豆沙(￥600), 的確係好甜.

黎清水寺一定要到 "音羽の滝", 長壽 / 健康 / 智慧任你揀 , 飲D水求吓福.

清水坂兩旁都係賣土特產手信嘅店舖同食店, 非常熱鬧.

呢間本家已有350年歷史, 係七味粉始創店. 我地都買左七味粉同山椒粉(￥1,100).

三年坂"產寧坡"內有好多傳統嘅建築物, 好似番到以前嘅江户時代.

行完清水寺要揾D野食, 冇嘜選擇之下就去過第2度. 就去試下食京都名物"湯葉", 呢間"湯葉に"喺區內幾出名, 每日自家手造湯葉(即腐皮), 全無添加, 做到第3代已有百幾年歷史啦.

我地叫左每位￥2,940嘅京の味湯葉づくし料理午餐, 一共8道菜.

湯葉に - 先黎飲左杯新鮮即磨豆槳, 好飲(不過唔記得影相). 跟住就係醬油湯葉凍

湯葉に – 柚子筍湯葉沙律, 夠清新.

湯葉に- 湯葉豆腐刺身, 配薑蓉食又有唔同嘅感覺.

湯葉に - 湯葉卷小芋丸, 賣相奇靚.

湯葉に - 湯葉野菌清湯, 香清甜.

湯葉に - 湯葉天婦羅, 香脆到出奇.

湯葉に – 山椒湯葉絲同埋D京都漬物餸飯一流.

湯葉に – 唐揚湯葉圈, 已經沾左D糖, 原來係甜品黎架

食完午飯再到祗園區行吓, 祗園區街頭就係八坂神社, 好搶眼.

百年老店"よ一じや", 金箔面油紙最出名, 係遊客黎京都必買手信嘅地方. 我地都買左D手信(￥8,060).

壹錢洋食個大招牌好給引, 原來係賣薄餅嘅.

呢座裝修好有特式嘅建築物係歌劇院黎架.

鴨川 - 春天黎呢度可以睇到櫻花, 前面D屋仔係食店同居酒屋黎架, 夜晚嗰度就係好熱鬧嘅先斗町通喇.

夜晚等D街燈着晒時仲好氣氛.

祗園嘅花見小路係旅客必遊嘅地方, 日與夜都有唔同晚嘅環境. 日頭就好有江户時代 feel 嘅特式大街.

呢條橫巷全部都係傳統風格嘅建築群.

黃昏後就變成了好熱鬧嘅紅燈區, 但大部份店舖祗做本地日本人生意, 遊客免問.

難得見到有個歌舞妓行過, 仲可以影埋相(部S90真勁), 呢次真係不枉此行啦.

鴨川 - 先斗達町 - 行完街攞番架車泊返酒店停車場, 然後返酒店抖一抖, 再決定今晚嘅晚餐. 初時想去余志屋食釜飯, 但因地點太了能而冇去到. 點知最後喺鴨川嘅先斗町通揾野食嗰陣時唔覺意間發現喺其中一條橫巷內, 註定同佢有緣.

余志屋 - 裡面全部日本人, menu 全部日文之餘又冇圖睇. 放膽叫左佢地嘅 Omakase, 每位￥7,000, 一共有成11道菜, 飽到上心口, 連消夜都唔洗食.

余志屋 - 餸酒嘅前菜, 麻醬野菜

余志屋 - 唐揚大和芋, 皮薄香脆, 內裡軟熟.

余志屋 - 雜錦刺身, 有魷魚, 八爪魚, 吞那魚, 鰤魚同鯛魚. 超新鮮嘅呢.

余志屋 - 青花魚醋漬, 原來青花魚刺身比熟食嘅魚味更重.

余志屋 - 玉子燒, 即叫即做, 香甜砍軟熟又多蛋汁.

余志屋 – 烤鴨胸, 先鹵後烤, 夠晒香嫩好味.

余志屋 – 合鴨碎大和芋煮, 軟淋淋加滑潺潺好特別.

余志屋 - 湯葉野菜煮, 又一道用大和芋煮到滑潺潺嘅菜式.

余志屋 - 生蠔帶子天婦羅, 香脆鮮味.

余志屋 - 魚仔釜飯

余志屋 - 鯛魚釜飯, 招牌菜, 將鯛魚先烤後焗飯, 魚香才可滲入每粒飯內, 的確高質素

余志屋 - 食釜飯時可加D即刨嘅木魚絲, 就更加好味.

余志屋 – 甜品係自家製黑糖雪糕, 清香唔太甜.

Day 5(17-Feb-10) 京都 - 錦市場 - 四條河原町 - 烏丸通 - 高島屋百貨 - 香港

綿善旅館嘅京和式早餐, 同尋日嘅差唔多, 燒魚轉左用多春魚, 加多左甜蝦刺身, 湯葉轉為昆布筍, 生果改為温室蜜瓜. 非常滿意.

酒店隔離有間賣和紙嘅專門店, D面油紙同埋個套都好精緻, 可惜我地已經買左.

我地去日本旅行一定會去市場行一敞, 東京嘅築地, 函館嘅朝市, 小樽嘅三角, 札幌嘅二條同場外市場, 冲繩嘅牧志都去過晒. 今次黎埋大阪嘅黑門, 咁京都就一定要行吓錦市場啦.

全長大約400米, 兩旁盡是日常生活用品同食品嘅乾濕貨商店.

かね松 - 行過見到有巨形草梅, 入去仲有超大 wasabi. 我地喺度買左一舊岩鹽同個小形磨(￥630).

有次係造刀名店, 有專為左手而造嘅刀, 仲可以幫你刻埋名, 但售價唔平, 最少都三萬.

打田 - 好大間嘅京漬物泡菜店, 入內可以任你試食, 食到夠為止.

河善 - 好多好別緻嘅陶器同小擺設, 我地都買左一件小鯛魚醬碟(￥2,400)

京丹波 - 超巨形大栗子, 有成個柑咁大, 新鮮出爐熱辣辣, 可惜要買好大袋, 冇機會試添.

鮮魚檔D海產好新鮮, 有D仲可以即買即食.

喺呢間舖就買左帶子山椒同魚子漬物(￥1,610), 全部都係人手做.

中央米殼 - 米舖專門店 - 新鮮米要￥25,000/5kgs, 好貴呀 !

中央米殼 - 買左個飯團食(￥190), 一樣試到佢地嘅靚米香味.

錦市場嘅盡頭有一間小小嘅錦天滿宮, 入面仲有京都名水叫"錦の水", 任人飲架.

行完錦市場, 再行四條河原町, 喺Starbucks飲杯櫻花草梅熱飲(￥440).

四條河原町同烏丸通係京部市中心最熱鬧嘅地方, 好多商店同百貨公司, 我地行左高島屋百貨, 買左2個餐用托盤同竹牙籤(￥1,932).

趕時間關係, 午餐就喺錦市場內嘅元藏蔥大郎攪掂.

錦市場-元藏蔥大郎, 午飯時間都好旺架.

錦市場-元藏蔥大郎 - 鹽味大蔥雞湯麵(￥880), 大蔥夠香雞肉夠滑, 有水準.

錦市場-元藏蔥大郎 - 咖哩豚肉拉麵(￥1,000), 叉燒淋香, 咖哩湯底都幾惹味.

關西空港, 喺旅客服務部攞定D旅遊資料, 等吓次再黎時用.

關西空港, 人流較少幾寧靜.

關西空港, 先到國內線行吓, 因為國內線比較多土特產同地道美食.

關西空港國內線食堂 - 大阪炒麵薄餅燒(￥880), 即叫即炒, 香口好味夠地道.

關西空港國內線食堂 - 茄汁蟹餅+蛋包炒飯(￥780), 同樣好味道.

關西空港國內線, 4年前黎過呢間食冷蕎麥麵, 有自磨新鮮Wasabi 好好味, 今次再黎依然仲喺度.

今次回程坐國泰新機B747-400, D位好舒服, 敞後都唔影響到後面嘅人. 仲有 Entertainment, 4粒鐘機程睇兩套 Movie 就到, 祗係飛機餐同去嗰程一模一樣, 有D悶.

戰利品
瀏覽人數 :

感謝大力提供以上資料

大力的網誌: http://www.daileghk.com/

鐘意SeeWide的分享，給我們一個Like吧！

檢舉

攻略日期：N/A

攻略地點：京都
攻略時間：1日以上

是次消費：N/A

共0人比"掂"

大力

高級探險員

簡介：大力為食Blog

15 京川滬杭菜

0 泰國菜館

1 清真

14 港式地道食品

5 潮州菜

0 米芝蓮

2 素食

13 美英菜

2 西班牙

0 鐵板燒

3 韓國菜

3 法國菜

13 東南亞菜

0 杭州菜

4 印巴菜

16 大力健行

14 大力大大食

6 大力小玩具

16 大力私房菜

105 大力遊記

49 廣東菜

1 德國菜

11 意大利菜

32 日本菜

0 魚樂無窮

4 2017: 2
04月; 2
01月

25 2016: 8
12月; 2
11月; 1
10月; 1
09月; 2
08月; 1
07月; 2
06月; 4
05月; 1
04月; 3
02月

27 2015: 7
12月; 2
11月; 2
10月; 4
09月; 1
06月; 2
05月; 5
04月; 1
03月; 3
01月

32 2014: 8
12月; 1
10月; 2
09月; 3
08月; 2
07月; 1
06月; 2
05月; 5
04月; 7
02月; 1
01月

26 2013: 1
12月; 3
11月; 1
10月; 5
09月; 1
08月; 2
07月; 4
06月; 1
04月; 8
02月

30 2012: 2
12月; 3
10月; 5
09月; 3
08月; 2
06月; 2
05月; 6
04月; 2
02月; 5
01月

32 2011: 3
12月; 3
11月; 2
10月; 4
09月; 3
08月; 3
07月; 3
06月; 1
05月; 4
04月; 1
03月; 4
02月; 1
01月

41 2010: 4
12月; 2
11月; 1
10月; 4
09月; 3
08月; 6
07月; 4
06月; 5
05月; 3
04月; 2
03月; 4
02月; 3
01月

38 2009: 4
12月; 1
11月; 5
10月; 7
09月; 6
08月; 7
07月; 5
05月; 1
04月; 2
01月

61 2008: 3
12月; 1
11月; 3
10月; 5
09月; 3
08月; 3
07月; 6
06月; 6
05月; 6
04月; 7
03月; 6
02月; 12
01月

16 2007: 8
12月; 5
11月; 3
10月

累積瀏覽 414494

全部攻略 332

全部回應 21