探險家攻略 > 休閒玩樂 / 城中探秘 / 旅遊 / 美食之旅 > 海灘 / 特色景點 / 長線旅遊 / 餐廳 > 澳門自駕遊2010

澳門自駕遊2010

由大力於 2010-08-28 00:00:00 發表 | 累積瀏覽 1853

分類：海灘長線旅遊餐廳特色景點特色街道；地區：澳門

澳門雖然去過好多次, 但係發展巳經係一日千哩, 年年都有新地標, 今次去澳門都係好突然咁早一日先決定, 星期五見到天氣非常好, 就諗住去過一個輕輕鬆鬆嘅週末假期, book左路環嘅竹灣酒店貪佢夠晒寧靜, 租架Smart Car 交通就方便好多. 氹仔路環澳門來來回回好多轉夠晒爽引. 食嘅葡國菜仲係歷來最滿意, 令人一試難忘.

搭新渡輪1小時15分鐘就到達港澳碼頭.

第一時間飛的去Avis攞車, 今次架 Smart Car(日租$599) 仲有埋紋身, 好型仔呀! 五前速自動加減波箱勁好揸, 而且仲超慳油, 揸足一日行左百幾公哩都係$60電油錢, 真係平靚正.

攞左車直去路環, 第一站黑沙海灘, 見到檔肥佬燒烤諗住一試, 祗係見到肥婆同肥仔, 而且D食物賣相都唔係咁吸引, 唯有走人.

跟住去里斯本地帶食地道葡國餐, 地點幾了能, 路環水鴨街8號, 不過記住喺安德魯餅店後面就易揾D.

環境好有小店feel, 仲有隻葡國火腿擺喺度.

叫左一勺(500ml)白酒做嘅Sangari($85), 好飲易入喉.

炸馬介休球($70) - 皮薄香鬆脆, 入面嘅薯蓉馬介香軟綿綿, 充滿雪魚嘅香味, 係食過最好食嘅馬介休球, 高質素.

葡國海鮮燴飯($310) - 二人份量售價不算便宜, 但海鮮材料豐富同優質, 有大蝦, 蝦仁, 青口, 蠔, 魚, 蜆肉, 蟹肉, 全部起骨去殼, 食落方便, 每樣都超新鮮, 食到海鮮嘅原味. 湯底更加係精華所在, 香鮮味濃, 撈飯同點麵包食都一流, 天下無敵嘅味道.

安德魯餅店地址, 咁多年都冇變, 仲喺附近開多二間Cafe添.

安德魯葡撻+檸檬薑水($16), 葡撻仍然咁好食, 酥皮香, 蛋槳厚滑蛋味濃, 不槐為葡撻始祖. 檸檬薑水係自家制造, 醒神好飲.

十月初五馬路旁嘅海邊, 好悠閒好舒服.

馬忌士花園, 日頭靜英英, 睌飯消夜時間就好熱鬧.

聖方濟各教堂

路環碼頭

路環碼頭嘅棠記魚舖, 家庭式小店, 鹹魚尤其出名.

路環碼頭對面橫琴島已經係中國, 海中見到有中國水警快艇注守.

跟住就去竹灣酒店check in 先.

竹灣酒店PousadaDeColoane(日租 $690), 門口個大 logo 好吸引.

16年前層經住過, 05年番新後裝修簡潔, 露台對正竹灣海灘, 感覺好舒服.

酒店泳池好精緻.

竹灣海灘, 環境一流, 好多人都黎影婚紗相.

出發去氹仔, 先到譚公廟一遊.

十月初五馬路旁嘅海邊, 正在水退.

時近黃昏, 漁民正在採蠔, 橫琴蠔出名肥美.

去氹仔一定要到宮也街一行, 行左一個圈冇嘜靈感食睌飯, 最後決定番酒店餐廳食.

竹灣餐廳PousadaDeColoane

大紅公雞餐枱布, 地道葡萄牙嘅特色.

蜜瓜火腿($50) - 比起意大利同西班牙風乾火腿, 葡萄牙火腿嘅肉味同煙燻味都比較濃烈, 少左D陳香味, 送酒都一流架, 不過仲要揸車冇得飲酒. 蜜瓜就超腍甜多汁, 高質素.

葡式豬肉粒炒蜆($85) - 蜆肥大肉厚勁鮮甜, 正!

葡式燒乳豬($100) - 皮薄香脆, 肉嫩香軟好味, 比起法蘭度同山度士有更高水準, 滋味無窮.

氹仔金光大道上新地標林立.

金光大道 - Hard Rock

金光大道 - 威尼斯人

金光大道 - 四季酒店

再兜去到澳門沙梨頭海邊街揾消夜食.

細龜由舊葡京旁搬到沙梨頭海邊街, 依家仲入埋舖, 舖名叫"華軒美食", 當然最好睇嘅就係佢嘅街頭表演, 火光熊熊.

細龜炒麵 - 干牛河($30), 舖頭冇位唯有叫外賣番酒店食, 錫紙保溫好好, 好味夠獲氣.

第2朝一早起身就check out, 跟住就飛車去安德魯餅店買葡撻做早餐前小食.

新鮮出爐嘅葡撻, 熱辣辣特別好食.

跟住出氹仔大利來記食早餐.

辣沙甸魚餐包($18), 同食過嘅罐頭辣魚包做法有別, 有咖哩嘅香, 魚肉嘅辣, 同餐包嘅甜, 味道都幾夾.

大利來記嘅豬扒包出晒名, 祇係下午三點先有得賣, 食豬扒麵($18)頂住引先, 原來佢地用生麵而非公仔麵, 一樣好味道. 加埋杯凍咖啡($14)夠香濃, 一個滿足的早餐.

食完早餐就過澳門, 梗係要去東望洋格林披治賽車跑道走番轉, 之後就上東望洋燈塔行下.

要行上呢條超級大斜坡先上到燈塔.

居高臨下, 視野廣闊.

東望洋燈塔同聖母雪地殿教堂

聖母雪地殿教堂內

東望洋炮台, 遠遠就係澳氹大橋, 不過唔比私家車行.

喺澳門揸車入左小路就有易行錯路, 誤打誤撞之下去左白鴿巢公園, 喺門口影張相先.

再到大三巴, 不過冇位泊車, 影完相就走.

還完車後先去永利睇吓吉祥樹, 原來個泳池絕靚, 有機會住吓都唔錯.

吉祥樹未開始時, 天花版個12生肖雕像好吸引.

吉祥樹由下面升上黎, 差不多到吊燈底, 之後徐徐下降, 前後10分鍾.

再去十月初五街嘅福龍食葡國 lunch, 之前食過都唔錯.

葡式炒蜆($90) - 其實係花甲, 牛油白酒蒜香味濃, 點麵包食好滋味, 如果用真正大蜆就更加好味.

葡式焗鴨飯($120) - 招牌菜式, 即叫即做, 要等半粒鐘. 葡國腸,火腿同鴨肉夾正飯內烤焗而成, 香口好味.

十月初五街係一條好有懷舊特式嘅街道.

手信街上, 衹得鉅記同咀香園兩大店舖人山人海, 我地喺肥仔記度買左脆口花生糖.

因為太熱冇嘜心機行, 最後去港澳碼頭搭到早一班船走.

戰利品

瀏覽人數 :

感謝大力提供以上資料

大力的網誌: http://www.daileghk.com/

鐘意SeeWide的分享，給我們一個Like吧！

檢舉

攻略日期：N/A

攻略地點：澳門
攻略時間：1日以上

是次消費：N/A

共0人比"掂"

大力

高級探險員

簡介：大力為食Blog

15 京川滬杭菜

0 泰國菜館

1 清真

14 港式地道食品

5 潮州菜

0 米芝蓮

2 素食

13 美英菜

2 西班牙

0 鐵板燒

3 韓國菜

3 法國菜

13 東南亞菜

0 杭州菜

4 印巴菜

16 大力健行

14 大力大大食

6 大力小玩具

16 大力私房菜

105 大力遊記

49 廣東菜

1 德國菜

11 意大利菜

32 日本菜

0 魚樂無窮

4 2017: 2
04月; 2
01月

25 2016: 8
12月; 2
11月; 1
10月; 1
09月; 2
08月; 1
07月; 2
06月; 4
05月; 1
04月; 3
02月

27 2015: 7
12月; 2
11月; 2
10月; 4
09月; 1
06月; 2
05月; 5
04月; 1
03月; 3
01月

32 2014: 8
12月; 1
10月; 2
09月; 3
08月; 2
07月; 1
06月; 2
05月; 5
04月; 7
02月; 1
01月

26 2013: 1
12月; 3
11月; 1
10月; 5
09月; 1
08月; 2
07月; 4
06月; 1
04月; 8
02月

30 2012: 2
12月; 3
10月; 5
09月; 3
08月; 2
06月; 2
05月; 6
04月; 2
02月; 5
01月

32 2011: 3
12月; 3
11月; 2
10月; 4
09月; 3
08月; 3
07月; 3
06月; 1
05月; 4
04月; 1
03月; 4
02月; 1
01月

41 2010: 4
12月; 2
11月; 1
10月; 4
09月; 3
08月; 6
07月; 4
06月; 5
05月; 3
04月; 2
03月; 4
02月; 3
01月

38 2009: 4
12月; 1
11月; 5
10月; 7
09月; 6
08月; 7
07月; 5
05月; 1
04月; 2
01月

61 2008: 3
12月; 1
11月; 3
10月; 5
09月; 3
08月; 3
07月; 6
06月; 6
05月; 6
04月; 7
03月; 6
02月; 12
01月

16 2007: 8
12月; 5
11月; 3
10月

累積瀏覽 403088

全部攻略 332

全部回應 21