18-Jan-09
今日除左食點心之外, 重食左一窩超正嘅海皇魚湯鳥冬![]()
.
海皇魚湯鳥冬($128)-魚湯煲到奶白色魚味香濃又香滑, 珊瑚蚌夠爽甜, 帶子好鮮嫩, 海蝦係生拆嘅所以新鮮彈牙, 斑片就一般啦, 全部吃過清光, 一滴不留, 超級好味道.
11-Jan-09今日已經係連續第10個星期日黎飲茶, 而且入埋佢地個會, 埋單仲有八折添. 今次食多左幾款新食物.
XO醬煎腸粉($48)-細火慢煎, 香口惹味又唔熱氣, 色香味全高水準.
![]()
蘿蔔牛肚($26)-香淋夾入味.
海皇賽螃蟹會伊麵($88)-即蛋白海鮮會伊麵加煎蛋也, 二人份量都有5小碗.
04-Jan-09近排每個星期日都好早起身, 所以好耐都冇去尖咀金島飲茶(11點半先開), 知道佐敦嘅逸東軒開得好早(9點就開), 所以就去一試. 呢道環境同服務都唔錯, 食物質素好有水準, 食過嘅每款點心都幾滿意, 連奉送嘅甜品都好好味. 所以連續9個星期日都黎呢道飲茶.
小食-小魚花生, 香脆可口.
如意上素餃($26)-餡料清爽好味.
竹笙上素餃($26)-清淡之選.
潮州粉果($26)-材料豐富夾好味.
蝦餃($30)-跟足傳統, 蝦同筍嘅比例都恰到好處.
叉燒包($22)-大大片叉燒, 皮薄餡靚,
文昌雞卷($26)-即雞包仔也, 餡料新鮮好味.
薑芽手剁牛肉球($22)-手剁牛肉食落有口感, 牛肉新鮮冇鹼水味, 薑芽夠清新.
XO醬蒸鮮魷($28)-XO醬更能帶出魷魚嘅鮮味.
烤麩蒸排骨($28)-新鮮排骨肉味夠, 連D烤麩都好入味.
煎瑤柱蘿蔔糕($26)-瑤柱,臘味同蘿蔔嘅份量都好好, 煎得香口惹味, 入面仲有一絲絲蘿蔔.
酥皮焗叉燒餐包($28)-薄薄香脆嘅墨西哥外皮入面係好味嘅叉燒餡料. 第道冇得食.
蘿蔔絲酥($28)-外層鬆化內清甜.
![]()
芝麻叉燒酥($26)-薄薄嘅酥皮包着濕潤嘅美味餡料.
海鮮芋角($28)-鬆化嘅外皮+香軟嘅芋蓉+好味嘅海鮮餡=冇得彈.
原粒帶子腸($38)-帶子肉厚夾鮮甜多汁, 腸粉皮夠軟滑.
原隻鮮蝦腸($38)-大蝦新鮮好味啖啖肉.
竹笙生牛肉腸($36)-手剁牛肉鮮味夠, 中間夾著爽口嘅竹笙同馬蹄, 口感豐富.
鮮竹大蝦腸($38)-有D似炸兩, 但食落香脆唔硬, 好精緻, 鮮味又好味.
瑤柱紫米珍珠雞($24)-新鮮荷葉嘅香味滲入軟熟嘅糯米同紫米飯內.
高湯鮮竹卷($26)-高湯香濃好味(有以前陸羽嘅水準), 令到D皮薄餡多漲卜卜嘅鮮竹卷特別味美.
叉燒飯-免切原件上, 肥瘦適中仲有D焦, 甘香好味有口感.
原個干層馬拉糕($38), 唯一食落比較普通的點心, 唔夠馬拉香味.
椰汁紫米露-甜度適中, 紫米高纖, 有益又好味.
椰汁雪耳西米露-滋潤又香甜.
渣渣-椰香好味.
陳皮紅豆沙-紅豆煲到起沙, 更有清香嘅陳皮味.
豆腐花-清鮮熱辣又滑溜, 豆香又夠清甜.
南瓜露-內有香甜嘅南瓜絲.
蕃薯糖水-香甜好味.
瀏覽人數 :
感謝 大力 提供以上資料
大力的網誌: http://www.daileghk.com/
逸東軒 (佐敦)
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)