今日約左D舊朋友出黎一齊團拜, 原本可能有5-6人, 但最後都係得3個. 朋友說近排龍皇嘅幟哥常常上電視飲食節目同賣廣告, 好似幾吸引咁, 所以就去佢嘅官塘新店(旺角店之前去過覺得麻麻). 坐落大家舉杯互相祝賀之制, 有個亞姐走埋同我地講咁高興,不如開枝紅酒喇, 我說不須了, 跟著我們繼續聊天. 但係個亞姐仲未行開, 仲打斷了我地咁繼續推介話飲唔飲湯呀, 試吓個煎金, 叫定個煲仔飯吖, 要成45分紅鐘(其時我地根本仲未有點菜的意圖, 真係比佢吹漲![]()
). 到點菜時發覺衹得好少菜式選擇, 唔食鮑參翅肚嘅話, 仲更加少. 所以 Last Round 叫了2個重複嘅菜同燒味, 連甜品同生果都欠奉, 埋單要9百幾(什費勁貴). 十大名廚(自稱)嘅高級食府, 這樣的待客之道, 的確係物非所值![]()
![]()
![]()
.
仁稔-都幾特別同清爽, 有D似欖.
燒鴨($98)-肉嫩同味道都OK.
鮑汁龍躉皮(每件$68)-算幾特別, 但三份厚薄不一, Lee件最厚都叫OK. 我嗰件就薄左一半, 口感就一般啦.
豉油皇煎虎蝦(每隻2両$48)-Lee隻最肥大都可能有2両重嘅, 我嗰隻就一定冇啦, 太細隻冇咬口. 朋友原本想食斑馬瀨尿蝦, 個亞姐話冇貨. 仲推介話不如食虎蝦啦, 都好靚架, 我話要4両1隻嘅虎蝦, 佢又話冇貨, 所以為有食2両1隻但要收$24両嘅雪藏蝦, 確係物非所值(因為家裏常備3両1隻的虎蝦才不過20元1隻呢).
堯柱扒豆苗($128)-味道OK.
野菌雜菜煲($78)-看不出是雜菜呢, 其實得一種菜同粉絲底. 平平無其.
乳豬拼海蜇($108)-餐牌菜式選擇不多之下, 最後唯有食番燒味. 乳豬皮薄用人手去肥膏, 都幾鬆脆同芝麻皮, 海蜇就十分平凡(不應是高級食府的出品).
瀏覽人數 :
感謝 大力 提供以上資料
大力的網誌: http://www.daileghk.com/
