探險家攻略 > 美食之旅 > 餐廳 > Nobilduca - 有機意大利菜

Nobilduca - 有機意大利菜

由大力於 2009-07-11 00:00:00 發表 | 累積瀏覽 833

分類：餐廳；地區：尖沙咀

是次消費：每人平均約HK$ 118.00

11-Jul-09

因為知道佢地7月份已轉了Menu, 所以今日又再到Nobilduca食午餐, 以下就係每位$118嘅既好味又健康的有機意大利午餐, 食完好滿足.

椰菜花蓉湯-食到清爽粒粒椰菜花.

意大利火腿蜜瓜 - 一齊食就有鹹中帶點香甜嘅感覺.

芝士風乾肉意大利飯-芝士同風乾肉都鹹香惹味.

香草帶子意大利麵-微微香辣好味道.

MangoMousseCake-精緻出品, 唔甜膩.

Cappuccino-泡泡香滑好好飲.

22-Jun-09 今晚再去Nobilduca食晚餐, 因為2年前食過佢地中環IFC店嘅ViaQuadronno覺得好滿意, 而且依加推出 Royal Delight Set 晚餐有6折優惠, 2個人就可以食曬10款意大利美食, 加埋枝紅酒埋單都係1仟蚊, 食物同服務都好專業, 係一個好滿足嘅結婚22週年紀念晚餐.

叫左枝HalfBottle嘅2005年Primitivo意大利紅酒, 係Captain Raymond推介, 香味同口感復雜得黎都幾好飲.



炆牛尾多士-肉味濃, 芝士薄脆片好特別.

煙燻大蝦-大蝦爽口仲帶有好香嘅煙燻味.



洋蔥湯-有別於法式做法, 洋蔥蓉香甜好味.

蛋花湯-湯底清甜, 好多雜菜同雞蛋粒粒, 口感豐富.

番茄煙肉意粉-意粉夠爽身.

牛肝菌意大利飯-每口飯都有香濃嘅菌味, 十分精釆.

黑松露菌烤羊扒-羊扒肉嫩帶少少羊羶味, 仲有濃烈嘅黑松露菌.

大蒜鮟康魚卷-魚肉軟滑鮮嫩, 加埋龍蝦蓉魚子醬一齊食, 超正.

朱古力慕斯+合桃芭菲-合桃芭菲夠特別, 口感豐富, 香甜唔漏.

30-May-09 今日係番尖咀嘅第一個LongWeek, 放工順便行吓街所以Lunch 就係Ocean 食埋. 今日食嘅係有機健康意大利菜Nobilduca. 價錢同2年前一樣, 仲多左件蛋糕甜品, 出品保持高水準, 食得好開心.

Homemade新鮮麵包, 伴欖油同陳醋食, 正.

凱撒沙律-蔬菜新鮮爽脆, 芝士同煙肉碎都咸香好味.

白豆蓉湯-味道冇青豆蓉咁濃, 白豆蓉湯內仲有肉碎, 口感豐富.

炭燒意大利火腿-好有炭燒風味, 連下面D露筍同薯仔都冇得留低.

烤帶子意大利粉-帶子肉嫩鮮甜, 意粉煮法正宗, 爽滑好味.

白朱古力蛋糕-香軟清淡唔Heavy, 吃過清光.

嘆埋杯香濃嘅意大利咖啡就係一個很滿足的午餐.

04-Aug-07 最近知道尖咀有間食有機意大利菜嘅餐廳Nobilduca, 所以就黎試吓. 去到先知原來同中環IFC入邊嗰間意大利餐廳ViaQuadronno(今年6月試過覺得好正)屬同一機構,仲認得入邊個Waiter就係當晚Service我地嗰個. Lunch好抵, 湯或頭盤+Pasta+Coffee都係佰零蚊, Homemade麵包新鮮熱辣, D欖油同陳醋好香, 點D麵包黎食真係一流, 有機意大利菜湯好健康, 雜肉拼盤, 意大利肉丸飯(肉味濃同D飯好Al Dente), 虎蝦墨魚汁麵(虎蝦好新鮮同彈牙,加埋墨魚汁麵就鮮上加鮮).