位於尖東帝宛酒店內嘅稻菊, 多年前食過係佢地嘅Omakase晚餐非常難忘, 尤其係天婦羅更加出色, 日本海蝦活做天婦羅都係佢地引入香港, 海膽天婦羅嘅味道就更加冇得頂. 祇係價錢不便宜, 所以唔能夠成日黎食. 今日乃拍拖27週年大日子, 又有籍口黎食大餐喇, 今次一於試埋佢地嘅鐵板燒, 揀左每位$345嘅牛肉同海鮮鐵板燒午餐, 雖然價錢比晚餐平一大半, 但選用材料相當優質, 鐵板燒師傅水準甚高, 好食到冇朋友.
Menu 內套餐選擇好多, 百幾蚊都有交易.
番茄沙律 - 番茄香甜, 蔬菜清新, 芝麻醬汁醒胃, 絕配.
刺身 - 吞那魚 + 油甘魚, 食到新鮮嘅海洋味道同質感, 魚肉鮮香甘甜, 超正.
燒帶子 - 外脆內嫩, 帶子鮮甜味濃郁, 高質素.
燒三文魚+大蝦 - 三文魚皮香脆似薯片夠特別, 魚肉軟熟香鮮, 蝦頭膏多且甘香惹味, 蝦肉鮮爽彈牙, 勁好味.
厚燒美國西冷 - 五成熟嘅火候恰到好處, 中間仲有少少粉紅色, 入口外脆內嫩, 肉汁豐溢味濃都, 食到牛肉嘅原汁原味, 真係精彩絕倫, 人間極品.
燒野菜 - 爽脆夾香口.
鐵板美國西冷牛肉海鮮炒飯 - 材料豐富, 牛肉加上海鮮粒, 炒得乾身好味, 粒粒甘香.
麵豉湯 + 漬物
用香甜多汁嘅生果作為午餐嘅完美句號.
瀏覽人數 :
感謝 大力 提供以上資料
大力的網誌: http://www.daileghk.com/
