尖咀又有新曰式麵店, 就係新港CoCo Ichibanya 日式咖哩店樓下. 此店層經成為東京拉麵排行榜排第一, 依加尚未正式營業, 仍然係試業當中, 去到好彩剛剛有位, 過一陣已經坐無虛席. 麵湯分白丸(原味), 赤丸(濃味)同黑丸(辣味)三款, 可自加配菜, 餐牌内尚有幾款小食同飯類. 今次兩個人食左1碗白丸+1碗赤丸+3款小食埋單$280.00價錢合理, 遲吓此店必定成為長龍店之一.
仍然係試業當中嘅一風堂已經要等位喇.
明太子雞翼($32) - 皮香脆, 肉嫩有汁, 明太子鹹香惹味, 正.
一風堂餃子($38) - 熱辣辣鐵板上, 皮薄餡靚, 蘸上辣醋汁, 味道一流.
味噌豆腐沙律($48) - 材料新鮮又豐富, 麵豉沙律醬特別香濃好味, 真滋味.
白丸元味叉燒湯麵($68) - 濃厚豬骨湯底, 味道濃郁但不膩口, 麵身較幼同爽口, 好味道.
赤丸新味叉燒湯麵($68) - 豬骨湯底加香蒜油再加辣味噌醬, 味香濃不太辣, 加埋青蔥黑木耳芽菜同半肥瘦叉燒, 就係一碗配搭完美嘅拉麵, 一枝棒也.
瀏覽人數 :
感謝 大力 提供以上資料
大力的網誌: http://www.daileghk.com/
