日式咖哩一向都係甜多過辣, 呢間位於尖咀新開嘅日式咖哩店 CoCo Curry就唔同, 可以揀唔同嘅辣度, 可以非常辛辣, 又可以唔辣. 仲可以自由添加唔同嘅配料, 選擇其多, 套餐又可以加多4道菜, 連埋主菜就非常豐富, 價錢也便宜, 令人食得開心又滿足.
地點位於新港中心商場內, 超方便.
雜菌麵豉湯 - 西式湯碗上麵豉湯, 幾得意.
蔬菜沙律 - 清爽開胃.
香腸毛茄豆腐咖哩飯 - 香腸皮脆肉味濃, 毛茄豆腐令咖哩更加香稠, 好味道.
蕃茄露筍蝦仁咖哩飯 - 材料豐富, 香辣味美.
炸豬扒雜菜咖哩飯 - 炸豬扒皮香脆肉嫩高質素, 蘸咖哩汁香辣惹味, 超級好味.
紅酒燴牛肉雜菌飯 - 唔辣飯類之一, 牛肉香腍入味, 紅酒肉汁惹味, 餸飯一流.
雪糕蘋果批 - 即焗蘋果批皮酥果肉豐厚, 口感豐富味道多層次, 同雲呢拿雪糕係天衣無縫嘅組合.
瀏覽人數 :
感謝 大力 提供以上資料
大力的網誌: http://www.daileghk.com/
