最近喺圓方開左間丼飯同釜飯嘅專門店, 丼飯即碗頭飯, 釜飯即係日式煲仔飯, 呢間丼丼屋把兩款飯品都做得各有特式, 食過兩次都好滿意, 令人回味.
地點喺商場一樓, 同其他食肆唔一齊.
沙甸魚餅沙律 - 同想象嘅有D唔同, 好似優之良品嘅零食.
滑蛋雞肉飯 - 有別於一般日本食肆出品, 蛋汁非常豐富, 雞肉夠滑, 每口飯粒都充滿蛋汁香夾滑, 好滋味.
北海道三式丼 - 帶子甜蝦同三文魚子都好新鮮, 簡單又和味.
三文魚親子斧飯 - 賣相精緻, 食時將魚肉壓碎和魚子弄破, 與飯撈埋一齊, 味道混成一體, 每口飯都有鮮香味美嘅魚肉同魚油, 好食到冇朋友.
廣島蠔斧飯 - 廣島蠔入口嫩滑, 蠔味鮮濃, 蠔汁滲入飯內, 食完齒甲留香, 歷久不散, 天下無敵嘅味道.
瀏覽人數 :
感謝 大力 提供以上資料
大力的網誌: http://www.daileghk.com/
