想到食壽司, 首選就梗係見城同孝勢兩師徒啦, 除左材料超新鮮同時令之外, 壽司飯醋份量同溫度都恰到好處, 握飯力度更加準乘, 令到D壽司飯入口即散, 十分難得. 我地兩間都幫襯左好多年, 今日Short Week 又想食壽司作Lunch, 諗著去揾吓見城師傅, 但係一早已 Fully Booked, 於是就去佢嘅赫德道分店一試. 結果就係材料同樣新鮮, 出品同樣高質素, 服務仲比舊店好D添. 今日叫左自選壽司Set(有8件自選+1款卷物)$170, 同埋一個松花堂并當$160, 同樣都有蒸蛋+麵豉湯+雪糕/咖啡, 價錢合理. 其實每次黎都會叫呢兩款, 但係每次都食得好滿意.
位於赫德道嘅新店
坐在壽司吧台上, 同台其他全部日本人, 由日籍大師兄親自招呼, 原來佢都識D廣東話.
土瓶蒸-D蒸蛋滑溜溜, 入邊仲有好多材料.
深海池魚(食完先知仲末上鏡)+ChiToro+油甘魚+甜蝦壽司=甘香, 油潤, 鮮, 爽, 甜.
海膽+三文魚子壽司-夠新鮮, 鮮甜中帶點鹹香, 食完都仲齒甲留香.
木魚+BB吞那魚壽司-木魚魚味好重, BB吞那鮮嫩爽滑.
鐵火卷
松花堂并當-材料豐富, 賣相精緻.
![]()
雜錦刺身-有魷魚素麵, 赤身, 甜蝦, 油甘魚+魚腩, 相當新鮮.
雜錦天婦羅-南瓜, 毛茄, 蝦就好有創作Feel, 係兩隻大蝦中間夾著明太子再用紫菜包著黎炸, 口感豐富又好食.
燒銀雪+鯖花魚+招牌蛋卷-日本銀雪魚甘香鮮嫩, 油份充促, 鯖花魚就比較實肉, 兩種唔同口感, 招牌蛋卷就軟熟清甜.
豚角煮-豬腩肉香腍軟滑又入味.
麵豉湯
紅豆雪糕-有好大粒紅豆.
咖啡
瀏覽人數 :
感謝 大力 提供以上資料
大力的網誌: http://www.daileghk.com/
