牆上圖畫很有南洋風味, 星馬兩大主題標誌一目了然.
![]( "2013072713南洋餐廳")
小店裝修, 坐位有點窄, 不過此乃租金昂貴下的香港經營模式.
![]( "2013072714南洋餐廳-亞囉燒螄蚶")
亞囉燒螄蚶($68), 螄蚶由泰國入口, 微烤至半生熟, 入口螄蚶肉極之爽脆鮮味, 汁液豐盈澎湃, 蘸酸辣汁食勁滋味, 正斗.
![]( "2013072716南洋餐廳-馬拉沙嗲串")
馬拉沙嗲串($58), 可選牛,豬,雞肉各2串, 燒烤風味十足, 肉厚軟熟有汁, 配沙嗲醬更覺惹味.
![]( "2013072717南洋餐廳-串燒中蝦")
串燒中蝦($30), 火喉十足, 蝦殼香脆蝦肉鮮甜, 優質出品.
炭燒原隻膏蟹仔($42), 香口鮮味, 勁多蟹膏甘香美味, 非常精彩, 一試難忘.
![]( "2013072720南洋餐廳-星洲炒蘿蔔糕")
星洲炒蘿蔔糕($48), 炒得香口惹味有鑊氣, 大馬怡保芽菜短肥爽脆極地道, 口味正宗.
![]( "2013072721南洋餐廳-參巴醬燒魔鬼魚")
參巴醬燒魔鬼魚($148), 必食名物, 魔鬼魚厚肉鮮味又嫩滑, 非常優質, 靈魂盡在醃料及參巴醬上, 鹹香辣惹味同時也帶出魚肉鮮味, 送飯送酒佳一流, 天下無敵的滋味, 更勝吉隆坡阿囉街黃亞華的出品.
![]( "2013072722南洋餐廳-肉骨茶")
![]( "2013072724南洋餐廳-肉骨茶")
肉骨茶($68), 看見餐紙上大力推介, 叫了一個小的嚐嚐, 可能做法太正宗, 入口藥材味濃烈, 湯汁滲入配菜令油炸鬼,豆卜,枝竹同金菇入口都極滋味, 但對我個人來說口味就較重, 我最喜愛的肉骨茶始終還是在吉隆坡金三角區的新峰肉骨茶.
![]( "2013072725南洋餐廳-牛奶布甸")
牛奶布甸, 有coupon免費奉送, 牛奶布甸香滑軟綿, 用作清清味蕾的飯後甜品非常適合.
