朗豪坊新開嘅壽司店MonsterSushi, 揾左吳彥祖做生招牌, 不過今次去到就見唔到佢喇. 店內裝修幾特別, 有別於一般的迴轉壽司店, 尤其是有好多戔圓形吊燈, 環境氣氛唔錯. 此店標榜江戶前壽司, 壽司飯比較細件同加了紫菜碎, 魚生沾了醬油, 更有多款創作壽司, 新奇又好食.
比目魚邊壽司-上面沾有梅子醬, 比目魚邊鮮甜爽脆.
油甘魚壽司-油份充足.
豆紙軟殼蟹卷-豆紙取代了紫菜, 軟殼蟹香脆可口, 仲有牛油果同蟹子, 材料非常豐富.
八爪魚壽司-八爪魚上面嘅係三文魚子同八爪魚吸盤.
醬油炙燒三文魚壽司-三文魚略燒出油脂,甘香好味.
巨型帶子壽司($28)-Monster Size, 超巨型又肉厚, 鮮甜腍滑.
哥斯拉卷($35)-聽講係吳彥祖親自設計, 外層似七彩米通, 入面有蟹柳, 鰻魚同牛油果, 外脆內軟夠特別.
油甘花之戀壽司($28)-甘香鮮甜, 成件Park入口, 超正.
海膽軍艦壽司($28)-海膽新鮮甘甜.
燒柚子拖羅壽司($26)-柚子令滲出嘅油脂更甘香鮮美, 入口油份歷久不散.
蝦膏甜蝦壽司($22)-蝦膏甜蝦同蟹子, 賣相靚之餘亦鮮味一流.
瀏覽人數 :
感謝 大力 提供以上資料
大力的網誌: http://www.daileghk.com/
