今晚原本想去佐敦堂記食腸粉, 點知去到先知今日体息(巳經是第三次摸門釘了). 於是去附近嘅老趙食越南菜. 記得以前渡船街一帶嘅越南菜館有老許同老趙, 兩家都非常好食同經常滿座, 依家老許巳搬到紅磡, 剩下老趙, 可幸是水準依舊, 但我覺得始終老店嘅出品好食過其他分店.
生牛肉河-香濃鮮甜嘅牛肉湯真係冇得彈, 次次都飲灑.
鹵水排骨蛋飯-排骨鹵得香腍入味, 餸飯一流.
招牌拼盤-扎肉, 春卷用生菜薄荷葉包住食, 同香脆可口嘅蝦膠薄餅都好美味.
過往食過嘅好味菜式
牛柳粒濱海-牛柳粒又腍又嫩有肉汁, 濱海有D似蒸嘅米粉卷.
招牌飯-有香茅豬扒, 雞翼, 蟹餅, 三樣都香口惹味.
酸窩牛肉-薄片牛肉一拖就熟, D湯酸甜醒胃. 香茅雞翼-夠惹味, 牛柳粒紅飯-牛柳粒香口軟熟好味, 茄汁紅飯就好似西炒飯.
瀏覽人數 :
感謝 大力 提供以上資料
大力的網誌: http://www.daileghk.com/
