今日去九龍城順記食晚飯, 九龍城除了很多泰國菜館外, 潮州菜館也不小, 而且比泰國菜更早在九龍城出現. 要數好食嘅潮州菜館, 有創發, 南記, 樂口福, 陶芳(巳結業)..等等. 但我地幫襯最多的就是呢間順記, 因為除了價錢便宜, 仲有週不時出D第二道食唔到嘅時令菜式, 可說是一間潮州私房菜.
鹵水鵝片墨魚($60)-鵝肉甘香嫩滑, 墨魚又鮮又腍.
鹵水大腸墨魚雞潤($60)-大腸甘香肥美, 雞潤嫩滑.
糯米釀大腸($48)-功夫繁多, 但好味道.
炸蝦蟹棗($50)-傳統潮州香口小食, 點埋D吉油一齊食仲正.
炒簿殼($50)-用九層塔炒, 簿殼又香又鮮嫩.
煎蛋($38)-夠嫩滑, 比煎餅更能特出嘅鮮味.
芝麻炆豬腳根($50)-地道特式嘅潮州菜, 豬腳根炆得又腍又入味.
半煎煮邊子魚($50)-半煎煮係潮州常用嘅煮法.
沙爹牛肉芥蘭($35)-鮮牛肉冇用梳打粉醃過, 香濃沙爹夠惹味.
蒜蓉炒豆苗($50)
羚角竹笙排骨煲($50)-用羚角做嘅秋天時令菜式.
![]()
百合時實煲($50)-從末食過嘅湯餸.
蝦膠海參煲($50)-海參釀左蝦膠, 加埋北菇一齊炆煮, 好味道.
柚皮排骨煲($50)-北菇柚皮清香味同排骨嘅鮮甜味都盡在湯內.
紫菜蠔仔肉碎粥($20)-加佐紫菜後, 粥底比一般的鮮.
炒魚麵($35)-清爽好味道.
沙爹牛河($30)-沙爹夠香濃, 河粉炒得好有鑊氣.
潮州糯米飯($40)-即叫即炒, 材料豐富, 飯焦香脆, 別處吃不到.
瀏覽人數 :
感謝 大力 提供以上資料
大力的網誌: http://www.daileghk.com/
