佐敦堂記粉腸, 去了多次都摸門釘, 因為除了星期日休息外, 平日都間中唔開. 今日終於可以食到堂記啦(因為去之前打佐電話去確認今日七點開檔), 佢地嘅腸粉又薄又滑, 即叫即拉, 餡料有多種選擇同自由配搭, 豉油咸甜味適中, 連D粥都火喉十足. 我地由佢車仔檔食到依家都永無失望, 入佐鋪仲越黎越旺.
柴魚花生豬骨粥($13)-粥底綿滑, 花生同豬骨肉都腍香好味.
鴨腎菜乾豬骨粥($13)-清香嘅菜乾同好味嘅豬骨肉, 就係一碗好食嘅粥啦.
燒鴨腸($16)-鴨皮甘香, 鴨肉腍嫩, 每次都一定食佢.
芫西魚片腸($15)-鯇魚片清香鮮甜嫩滑, 冇得彈.
![]()
豬潤腸($12)-黃沙豬潤, 爽滑好味, 時間同火喉都控制都好好.
牛肉蝦米腸($13)-蝦米令到牛肉特別鮮甜味美.
其他好食嘅配搭
燒鴨豬潤腸
雙蝦腸
叉燒魚片腸
瀏覽人數 :
感謝 大力 提供以上資料
大力的網誌: http://www.daileghk.com/
