國慶假期去Element The Grand 睇狄仁傑, 劇情豐富拍得尚算精釆, 睇完就要揾地方醫肚. 行過平台左揀右揀, 最後見到Prime牛扒專門店有Lunch Buffet 每位祇收 $108, 價錢唔貴之下就入去開餐. 原來$108祗係頭盤同甜品, 主菜就由 $50 至 $150 幾款任揀. 我地叫左$80 嘅意粉同 $150 嘅澳洲和牛扒(話晒都係牛扒專門店, 所以叫一款黎試吓), 頭盤同甜品款式不多, 但出品精緻同好優質, 食得幾開心, 連埋枝有氣礦泉水兩個人埋單共伍佰幾, 可以一試.
裝修得好有美式嘅簡潔舒服, 好causal.
有牛形圖桉嘅皮餐墊幾特別.
頭一碟已經攞晒所有頭盤嘅食物, 款款都新鮮同優質. Encore 左煙三文魚, Parma Ham, 烤甜椒, 露筍芝士碎, 橄欖同車厘茄, 超好味.
香草白酒大蜆意大利麵(+$80) - 海蜆新鮮好味, 麵夠爽身, 香草白酒汁香味美, 高質素.
芝士磨菇煙肉澳州和牛扒(+$150) - 醬汁超香濃惹味, 牛扒腍嫩肉味濃, 份量十足, 非常大滿足.
所有生果都一網打盡.
甜品 - Macaroon杏仁餅香脆, Chocolate Mousse Cake香滑味濃, Blueberry Cheesecake好味唔 heavy, Creme Brulee外脆內香滑, Bread Pudding 濕潤軟綿綿, 全部都旣精緻又精釆.
瀏覽人數 :
感謝 大力 提供以上資料
大力的網誌: http://www.daileghk.com/
