今日約左舅仔同老婆預祝生日, 要去唔食家禽同牛羊肉嘅食店食飯其實都幾難諗. 得知最近尖咀美麗華開左間新派韓菜, 原本對呢類新派菜系冇嘜好感, 不過為食嘅我始終都會一試, 新派裝修同一般韓國菜館有好大分別, 簡潔舒適, 坐梳化位仲舒服到唔捨得走. 出品賣相就似食西餐多D, set得好精緻, 3個人食左五舊幾, 食得過癮嘅一餐.
墨汁麵包 - 好有特式嘅自家製招牌小食, 香軟熱辣好好味.
鮮人參沙律 - 鮮人參甘香爽口, 夠清新.
燒豬腩肉沙律 - 沙律同樣清新開胃, 燒豬腩肉片就薄左D所以唔夠香.
韓式炒粉絲 - 細細份一口過.
海鮮炒年糕 - 蝦蟹帶子魷魚青口樣樣齊, 年糕煙韌軟糯, 甜辣醬汁香濃, 超正.
海鮮薄餅 - 細細件好精緻.
脆皮煎豆腐 - 外皮香脆, 內埋軟綿綿似Mousse.
海鮮伴水煮蛋 - 可以當湯咁飲, 同古宮嗰個有D分別, 同樣新奇好味.
甜品拼盤, 好有心思, 等左半個鍾都值得, 原來仲係餐廳奉送嘅添.
瀏覽人數 :
感謝 大力 提供以上資料
大力的網誌: http://www.daileghk.com/
