(30-Oct-09)今晚再接再勵去古宮, 不過今次唔係叫餸而係食烤肉, 雖然祗係叫左一碟雜錦牛肉同一碟生菜包, 但連埋其他泡菜食依然覺得好豐富. 而且中途仲送左一款沙律菜同一款好特別嘅韓式蒸水蛋, 用煲仔上都係第一次食到. 一樣食得好痛快呢.
(23-Oct-09)寫咁耐食評都仲未寫過韓國菜, 並非我唔鍾意食(其實我冇嘜野係唔食), 而係烤肉同辣窩都係清一色冇嘜好影. 今晚出街食飯冇嘜靈感, 忽然記得尖東新開了一間韓國餐廳叫古宮, 舊年去首爾時都已經食過一間同名店舖, 所以好奇地去一試. 今次唔食烤肉, 叫左一湯一菜, 材料豐富份量大, 連埋11款泡菜, 飽到唔想郁, 好痛快.
(30-Oct-09)同樣有10款泡菜+南瓜湯, 今次多左一款洋蔥沙律, 而且泡菜同上次有D唔同. 就係茄子,魚仔,紫菜,魷魚海帶同一款地道菜干喇.
(30-Oct-09)魷魚海帶 - 鮮香味美.
(30-Oct-09)辣魚仔 - 魚仔香辣之餘又非常軟熟, 冇一般店舖的硬.
(30-Oct-09)漬紫菜 - 軟綿綿.
(30-Oct-09)洋蔥沙律 - 幾清新.
(30-Oct-09)仲未食烤肉就已經又再奉送多一碟生菜沙律喇, 正.
(30-Oct-09)生菜包($60)-有青椒,蒜頭,青瓜,蘿蔔,芝麻葉,同兩款生菜, 特別之處係麵醬用煲仔上, 熱辣辣香氣撲鼻, 點野食就咸香惹味.
(30-Oct-09)韓式蒸水蛋-中段奉上的蒸水蛋, 用煲仔上, 幾有特式, 軟熟又香甜, 仲可以咸低烤肉嘅燥熱, 有心思.
(30-Oct-09)雜錦牛肉拼盤($330)-有牛肉, 牛舌, 雪花牛胸肉同牛肋骨, 絕對係上等貨式.
30-Oct-09)用生菜包住烤肉食就冇咁熱氣同油膩.
(23-Oct-09)的晚餐 :
(23-Oct-09)前菜先來10小碟, 兩款泡菜,大豆芽,炸菜,沙律菜,青瓜魔芋,莧菜,花生,魚餅同螄蚶.
(23-Oct-09)再黎一碗南瓜湯, 香甜夾滑.
(23-Oct-09)醃螄蚶 - 其他店舖冇得食, 香鮮辣.
(23-Oct-09)煎魚仔 - 魚肉雪白軟熟.
(23-Oct-09)煎蠔餅 - 後來再奉上的泡菜, 蠔味濃郁, 香軟嫩滑, 記得襯熱食.
(23-Oct-09)人參雞海鮮湯($208)-原隻雞內已有人參,糯米,紅棗,銀杏, 再加上大蝦,鮑魚,帶子,青口,蜆及鮮魷一齊煲, 材料非常豐富, 飲一碗已經好滿足.
(23-Oct-09)南瓜牛肋骨($188)-原個南瓜內有好多牛肋骨炆蘿蔔, 然之後再燉, 南瓜蓉軟熟清甜, 牛肋骨香腍肉味濃, 蘿蔔夠腍又入味. 好食到一件不留.
(23-Oct-09)飯後生果
(23-Oct-09)松子仁意米糖水 -入口清甜透心涼.
瀏覽人數 :
感謝 大力 提供以上資料
大力的網誌: http://www.daileghk.com/
