03-Sep-08 今晚到油麻地太平館開餐, 2個人食左焗洋蔥湯, 瑞士汁雞翼同埋芝士焗鮑魚海鮮飯. 洋蔥湯焗得好香, 瑞士雞翼香滑入味, 焗飯材料豐富, 香口又滋味.
芝士焗鮑魚海鮮飯($150)-材料豐富,有鮮蟹肉, 蝦球, 蝦仁, 帶子, 斑片同鮑魚, 每口飯都充滿着香濃嘅芝士香味及海鮮嘅鮮味, 可算是史上最強的碟頭飯啦.
12-Aug-2008 尖沙咀食飯雖然有好多選擇, 但太平館始終都在首選之內. 今晚仲食左碟超好食嘅碟頭飯添,
干炒牛河($72)-河粉炒得夠透夠獲氣, 瑞士汁又好惹味.
燒汁雙菇鴿片飯($100)-新鮮乳鴿鹵完後起片, 鮮嫩入味, 燒汁加埋雙菇, 就係超好食嘅碟頭飯啦.
26-Feb-2008 今晚去紅館睇林海峰嘅是但噏求其大合唱, 晚餐就在尖咀食, 然後坐到差不多夠鍾便步行上紅館當散步. 選擇了太平館因為除了好食之外, 仲坐得好舒服. 已幫襯多年的太平館水準同用料都保持得好穩定. 撚手推介嘅有瑞士雞翼, 瑞士汁牛河, 煙倉魚, 燒乳鴿, 焗飯, 焗葡國雞, 焗疏芙厘等等, 多不勝數.
海龍皇湯-湯底夠濃,材料豐富.
周打魚湯-新鮮斑肉, 香滑好飲.
焗洋蔥湯-焗得好香.
瑞士雞翼-選用新鮮雞翼, 香滑入味, 色香味全.
瑞士汁禾花雀-時令禾花雀, 甘香鬆化.
瑞士汁鵪春-去年才加入的新菜式.
燒乳鴿-新鮮乳鴿, 肉嫩甘香, 仲有新鮮鴿什, 加埋D瑞士汁, 更加一流.
煙倉魚-倉魚夠大條, 肉嫩新鮮, 仲香燻味十足.
![]()
焗葡國雞-焗得火候十足.
瑞士汁牛河-瑞士汁惹味, 粗身嘅河粉炒得夠滑又夠香.
葡什焗四寶飯
砵酒焗豬扒飯
芝士焗蝦球飯-勁多大蝦球, 好滿足.
芝士焗石班筒飯
芝士焗海鮮飯-材料豐富, 芝士焗得微焦, 好香口.
煙倉魚子蝦仁炒飯-煙倉魚子幾特別, 全港祗得呢道有得食.
焗疏芙厘-份量夠大, 一定要襯熱食, 好味道.
香橙忌廉餅-傳統奶油忌廉餅, 賣相精美同好有懷舊Feel.
泡芙-皮脆忌廉香滑.
布甸-連飯後甜品都做得好出式.
瀏覽人數 :
感謝 大力 提供以上資料
大力的網誌: http://www.daileghk.com/
太平館餐廳 (尖沙咀店)
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)