探險家攻略 > 城中探秘 / 旅遊 > 特色景點 / 長線旅遊 > 台北婚照之旅第四天 - 舊金山溫泉+淡水+南瓜車房

台北婚照之旅第四天 - 舊金山溫泉+淡水+南瓜車房

由 minnie513 於 2014-04-10 11:58:57 發表 | 累積瀏覽 455

分類：長線旅遊特色景點；地區：台北

攻略日期：2011-10-08

今日終於係第一日自由活動, 亦都係最忙既一日, 因為男友話要浸溫泉, 咁我之前係blog都post過溫泉份功課, 今日終於用到喇!!

起身後, 係凡登食個早餐, 其實我不嬲都唔鍾意食酒店既早餐, 尤其係台灣, 寧願留肚食其他野, 仲要D時間通常都好鬼早, 但男友又覺得唔好蝕, 專登早起身都要食佢! 呢度個餐廳勁細, 野食又少, 仲要冇台灣地道野食, 連香腸都係普通個d而唔係台灣腸, 我食左少少就冇食了! 返房執埋行李就checkout, 搭捷運去我地第二間酒店-莎多堡!

幾年冇黎, 原來捷運多左咁多個站, 美麗華附近已經有一個站, 方便好多呢, 我地黎到後就去搵莎多堡, 拖住一堆行李都幾唔方便, 行大約10分鐘就到, 因為未夠鐘checkin, 我地只係放低行李, 之後就搭捷運去台北車站了! 搭公車去金山, 本來唔駛黎台北車站, 因為佢都幾多中途站, 但係驚假期會多人冇位, 又驚搵唔到個站係邊, 最後都係去返總站上車穩陣! 由台北車站出發, 去到金山係大約一個鐘, 中間真係有幾十個站, 到金山司機會叫一叫d人, 因為太多旅客同埋d人會瞓晒覺!

今日落雨呀, 好彩唔算好大, 不過搞到我地要帶遮, 黎到後第一時間搵食, 呢度唔算多餐廳, 正當諗梗食邊間時, 有陣香味傳黎, 就吸引左我地入去! 黎左幾日終於食到蠔仔煎, 唔怪得有陣香味啦, 原來佢地大量整梗蚵仔煎pack盒, 準備送出去, 除左蠔仔煎, 我地仲叫左個蜆湯同魷魚羹麵, 樣樣都好好食, 証明我地冇揀錯! 食飽飽又要行, 我今次揀左舊金山總督溫泉, 因為平靚正, 仲諗住豪一豪揀最貴既私家房, 琴日打過黎book佢又話冇得book, 直接黎就可以, 點知黎到話要等囉, 最貴個隻要等好耐, 我地唯有揀另一間, 等左15分鐘就有了, 估唔到平既都好好, 一黎到我地就好興奮, 我仲周圍咁影相既時候, 男友已經急不及待較水浸了, 難得黎呢度我地梗係影下相, 好似好性感咁, 但係我地一點都冇露架, 哈哈~

浸完我地搭公車去淡水, 搭去淡水好似仲耐d咁, 不過架車越坐越多人, 開始嘈! 一去到淡水又邊行邊食喇, 今日仲要買d手信返去添! 呢度好多街邊檔, 男友好似唔多鍾意, 但係我就十分愛, 哈哈, 行下食下咁, 之後去埋漁人碼頭行埋情人橋, 我地今日玩足一日真係好攰, 之後就搭捷運去士林夜市, 本來諗住呢度再食, 不過係淡水食到好飽, 所以我地真係到此一遊就算, 之後就搭shuttle bus去美麗華!

去左地庫間supermarket買野飲, 估唔到會撞到朋友, 哈哈, 我第一次去旅行撞到朋友咋, 個感覺好搞笑! 買完野呢度都要閂門, 我地就返莎多堡了! 估唔到酒店已經幫我地送左d行李上房, service幾好喎!

今晚住既係最貴既南瓜車, 剩係條走廊都嚇襯我地, 真係俾車行唔係俾人行, 一層得幾間房, 去到個門口仲驚, 大到嚇死人, 可以放兩部車, 入到去我地仲自己落閘, 唔覺得呢度似酒店! 一開門仲驚呀, 間房大到離晒譜架, 我男友俾南瓜車隻馬嚇襯! 我仲係門口不停影相, 男友就衝左入去睇裡面, 間房真係好靚, 個廁所痴線架, 一個大按摩浴缸, 一間蒸氣房, 仲有個花灑按摩床, 去完廁所行去洗手盆洗手都要行十幾步! 除此之外, 仲有個零食櫃, 裡面既野係任飲任食, 有兩個杯麵添, 早知我地唔駛去買定野飲返黎!

第四日行程完結, 總括今日男友好滿意, 佢好鍾意間溫泉, 仲有金山間餐廳, 同埋呢間南瓜車, 不枉我咁努力做功課啦!!

第一餐既蚵仔煎, 正呀!

終於都黎到, 比想像中遠~

有兩個池, 一個凍水一個溫泉, 好正!

呢個係薯片, 勁好食呀, 原本想encore, 但男友唔肯陪我食, 結果放棄了!

男友自拍技術唔錯架~

夜晚既莎多堡好靚~

門口可以泊車, 再落閘~

男友幾快衝左入去~

嘻嘻, 叫男友扶我上馬車影相~

個按摩浴缸好正, d燈仲會變色, 同埋呢度有電視, 可以一路浸一路睇電視~

黎個大合照先~

鐘意SeeWide的分享，給我們一個Like吧！

檢舉

攻略日期：2011-10-08

攻略地點：台北
攻略時間：N/A

是次消費：N/A

共0人比"掂"

小龍於2014-04-11 12:12:25 留言
引用自 'minnie513' 的相片：
回覆：個南瓜車房好攪笑喎住一晚，貴唔貴？
舉報回覆
No.1

minnie513 於2014-04-11 12:18:23 留言
我覺得唔算貴呀, 因為真係好大間同好靚, 我連埋另一間一齊訂, 有篇寫籌備既有寫價錢!
舉報回覆
No.2

minnie513

中級探險員

簡介：

11 2010 - Greece希臘

11 2011 - Taipei Prewedding台北婚攝

6 2013 - Taipei台北

7 2013 - Guam+Tokyo關島東京

18 2013 - Northern Europe北歐蜜月

2 Dine & Drink

56 2014: 3
05月; 53
04月

累積瀏覽 35252

全部攻略 56

全部回應 110

首頁探險家攻略香港好去處探險家排行榜新手指南聯絡我們

網站上的資訊及圖片，若閣下為部份資訊的版權擁有者，如有觸犯你的知識版權，請來信info@seewide.com，我們接到投訴後即時處理

重要聲明：本網站是以即時上載留言等方式運作，對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。

SeeWide 香港特搜致力打造香港好去處、活動指南，聚集全港探險家，一同搜羅及分享精彩的玩樂、消閒、香港好去處等情報，務求讓大家能看多一點、闊一點！