探險家攻略 > 旅遊 > 長線旅遊 > 台北婚照之旅第六天 - 西門町+中正紀念堂

台北婚照之旅第六天 - 西門町+中正紀念堂

由 minnie513 於 2014-04-10 12:10:56 發表 | 累積瀏覽 363

分類：長線旅遊；地區：台灣

攻略日期：2011-10-10

終於寫到最後一日喇, 其實返左黎香港都半個月有多, 但係我仲好掛住台灣美食, 小蜜月等等, 不過我每次旅行都有呢d後遺症, 上次希臘係最嚴重, 返左香港一個月都未慣, 哈哈!

今日一樣, 男友話要專登起身食早餐, 琴日試過之後, 今日真係睬佢都傻, 講左我唔去, 叫佢要去自己起身去, 咁佢見餐廳係同一層, 又抱住唔好蝕既心態, 又真係九點起身去食早餐, 好快食完返黎再瞓! 十一點起身執野, 十二點準時checkout了, 拎住咁多行李, 我地又搭的士喇, 哈, 黎個時我帶左一個吉既大蝴蝶袋, 一早已經開左黎用, 所以我地而家係一箱一背bag一蝴蝶袋, 本身個行程係去台北車站寄存行李, 再去西門町買手信+食野, 上到的士叫司機去台北車站, 順便問佢知唔知邊度寄存行李, 之後佢就sell我喇, 哈哈, 其實我都估到, 因為佢成疊卡片放左係度話call的去機場個d, 佢話我可以放低行李係佢車, 咁之後接我地去機場, 收台幣$1000, 即係港幣$250, 咁我地懶懶地, 因為可以慳返搵寄存行李, 台北車站搭去西門町, 之後又要走返黎等等一切既金錢時間, 又有台幣剩, 所以我地就話好, 當然我都有猶豫, 因為驚佢呃我嘛, 佢應該feel到我有懷疑, 於是抄低身份証資料, 再俾埋張身份証我對下, 同埋車牌等等, 以得到我對佢既信任, 咁佢咁有誠意, 又真係睇左佢張身份証, 應該冇事, 最後直接係西門町落車!

一去到西門町就醫肚, 係條橫巷搵左間食牛肉麵, 點知....又係辣架, 明明叫個陣問左, 原來佢地話唔辣都好辣囉, 唉, 成碗俾左男友食, 之後又要買老天祿俾二哥, 成間鋪都係香港人, 好誇張! 之後又行下食下, 係其中一間食蚵仔煎, 仲有花枝羹, 好好味呀!! 終於叫做食飽, 由於搵左架的士, 我地突左好多時間, 靈機一觸, 我地可以去返琴日去唔到既中正紀念堂, 於是就搭捷運過去了! 今日假期預左多人, 黎到見到有表演先醒起今日雙十節, d人多到好恐怖, 我迫都迫唔到入去睇下有咩表演, 結果係度行左陣影下相就走了, 起碼男友叫做黎過嘛!! 搭返去台北車站, 退返張悠遊卡, 佢話唔夠一星期要俾手續費, 老屈的!! 約左個司機係天成酒店等, 我地好攰喇, 差d係度瞓著, 的士黎到就去機場了, 我地既台北婚照之旅正式結束!!

去到機場又有時間, 黎碗最後的台灣牛肉麵, 入閘後原來呢度個機場真係靚左好多, 我地都影左唔少相, 仲有行下街, 見到DR.WU都平架, 不過都係費事拎同洗錢, 落機後我地仲要接返兩籠鼠返屋企, 都係唔好拎太多野喇!!

總括黎講今次旅行好開心, 因為個婚照+露營=小蜜月, 雖然係用左好多錢, 但我feel到男友好開心, 暫時我都係諗結左婚可以唔去honeymoon住, 咁即係我下次去旅行都係好耐之後喇!!

一包老天祿台幣$500, 後面成堆香港人買梗~

之前試左魷魚羹, 今次試花枝羹, 都好好味呀!

人地話黎台灣要係度影相, 所以點都要捉男友到此一影!

估唔到個機場靚左咁多, 要係台灣隔離影返張先~

裡面仲有間disney店可以俾人影相, 影完後佢話公仔唔可以拎黎影架!

一個人都冇, 我地似包左場玩咁~

男友無聊之作~

買手信都買左成千蚊港紙!

呢張係我地到台灣時影既, 好似好輕便咁!

呢張返到香港影, 所以記住要帶多個吉袋黎裝野~

鐘意SeeWide的分享，給我們一個Like吧！

檢舉

攻略日期：2011-10-10

攻略地點：台灣
攻略時間：N/A

是次消費：N/A

共0人比"掂"

minnie513

中級探險員

簡介：

11 2010 - Greece希臘

11 2011 - Taipei Prewedding台北婚攝

6 2013 - Taipei台北

7 2013 - Guam+Tokyo關島東京

18 2013 - Northern Europe北歐蜜月

2 Dine & Drink

56 2014: 3
05月; 53
04月

累積瀏覽 35230

全部攻略 56

全部回應 110

首頁探險家攻略香港好去處探險家排行榜新手指南聯絡我們

網站上的資訊及圖片，若閣下為部份資訊的版權擁有者，如有觸犯你的知識版權，請來信info@seewide.com，我們接到投訴後即時處理

重要聲明：本網站是以即時上載留言等方式運作，對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。由於本網站受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。

SeeWide 香港特搜致力打造香港好去處、活動指南，聚集全港探險家，一同搜羅及分享精彩的玩樂、消閒、香港好去處等情報，務求讓大家能看多一點、闊一點！