由 ka_mia 於 2014-04-11 11:30:00 發表 | 累積瀏覽 1035
話說2013年大Ka同Mia的第一次旅行亦係大Ka 2013年的唯一一次旅行係揀左去台灣南部~
出發前果邊係咁落雨~唉..真係好擔心呀~
但好好彩~個天係鍾意我地架~我地呢6日5夜都超好天^^
但亦都係咁好天架關係..大Ka同Mia都變左舊炭返黎T.T...
今次我地係坐港龍機去高雄~好難得架早機
但機場仍然係咁多人架...
今次架行李一D都唔重..
9點鐘飛機..人山人海..趁大家去排隊上機我地就影下D例牌相
旅程正式開始啦~!!!
嗯..港龍個飛機餐一般..我鍾意食中華架點心拼盤多D
經過個零鐘機程..我地到達啦~
係閘入面唱埋錢..估唔到俾香港好喎個匯率..
出閘上2樓買埋電話卡..就打電話俾個包車司機
我地直接由高雄去墾丁先..同車仲有對情侶..
大家集合後就出發啦~
十分好天的高雄..但真係好熱...
沿途同司機大佬吹吹水..轉眼間2個幾小時架車程就過去..
到達民宿啦~
位於恆春架老木之家(海角42號)
雖然位置係遠少少,但環境都幾好架..好寧靜
CHECK-IN完就入房換衫啦..真係唔可以著住條長褲周街行
嘩~~個房幾靚呀~但唔明點解要有2個心心係度..=.=
之前阮經天黎拍戲都係住呢間房架..
雖然墾丁細細,但要遊覽都需要一部車..
所以我地出發去學電動電單車啦...
但我地2個連單車都唔識踩...都係抱住有奇蹟出現..希望會學識啦..
但好可惜.世界係冇奇蹟架..我地最終都係學唔識T_T..
所以只好包車半日..
呢個係教我地渣電單車架師傅..亦係我地包車司機..
我地LUNCH都未食..司機大哥就載我地去後壁湖食海鮮~
後壁湖係一個漁港，每日都有新鮮海鮮黎架~
呢間係民宿老闆推介..佢D野係真係幾好味~而且D人都好細心~
2個人叫左3個餸..個魚生拚盤真係好新鮮..涼拌魚皮真係大Ka我架口味~最後個蘭花蚌超香牛油味~好好味!
仲叫左支台灣啤酒啤一啤..
不過最後係食唔晒D野架..因為太熱啦~冇胃口食野..食飽出發去白沙灣..
司機大佬話個沙灘好靚~所以我地都決定去一去
要走過樹林先會到架
嘩~真係好靚喎..香港沙灘係冇咁乾淨架~
夏日炎炎，真係要浸一浸先得~連隻狗都忍唔住呀~!
係度玩左一輪要走啦~要去下個景點啦~
如果下次黎耐D,我一定要係度HAE返半日先走~
出發去關山啦~
關山最出名就係睇日落...我地呢個時間去就早左少少..
個太陽晒到Mia眼都擘唔大，要用手擋住太陽先得~
行上去望住個海..心情都平靜晒..
係關山發生左件好攪笑既事..我地竟然撞返同車黎墾丁個對情侶..
大家仲你眼望我眼之後先認到對方..哈哈,..我地都幾有緣呀~
係山頂度睇左一陣就落山啦~
落返山都忍唔住要買個雞蛋冰消消暑~
YEAH~終於出發去夜市啦~
呀~唔係呀~去夜市前我地先去左一趟鵝鑾鼻..
去到個售票處係冇人架..我地就自己入去(佢個門係冇關架)
呢個就係最出名架塔..係台灣最南端的塔..
其實係鵝鑾鼻睇日落都幾好睇呀~
好明信片呀~~
張相好夏威夷感覺~~今次真係出發去墾丁大街啦~
全墾丁最熱鬧的地方..
哈哈..我覺得整得幾好呀~
係幫襯呢間架 "阿飛"
大家有機會都可以試下~
最終因為太熱..所以都係行完一輪就買左D野食返民宿食..
起碼有冷氣嘆先呀~~嘻嘻..城市人真係離唔開冷氣呀~~
要訓啦~~明天繼續加油再晒過啦~
待續
累積瀏覽 49081
全部攻略 100
全部回應 33
你好！我係小龍呀
白沙灣 (西貢)
釜山水族館
Thormork 冰島高地
六義園(東京)
中環街市
珠璣巷
數碼廣場
G-fit