公和荳品廠 Kung Wo Dou Bun Chong
電話 : 2386 6871
一宜好想試下深水埗既公和,今個夜晚終於有機會
雖然天氣真係好熱,但都係鐘意食熱既豆腐花
呢度比起九龍城既公和裝修大同小異,都係好有懷舊既感覺
兩間食肆既豆腐花一樣筆得咁靚,有啲唔捨得挖下第一口
但豆味冇咁香,但係有更滑,好神奇既係有入口融得好快既感覺,唔洗點咬
預先落好既糖水亦冇九龍城店咁多,點為唔夠甜,要再加黃糖
後黎坐坐下見到佢煎緊魚肉豆腐好吸引,叫左個雙併,$10可試晒兩種口味
一款係四方既豆腐上有魚肉;另一款係釀左魚肉既豆卜
個人上鐘意豆卜多啲,食落既豆卜帶膠質,有趣; 食落亦比較香口
四方既豆腐上面既係有好薄好薄既一層既魚肉, 適合鐘意食白滑豆腐既朋友
但要接受舊式既煎野方法係會比較油膩
食到都幾飽
P.S.呢度既店員手腳好快手下
食完自己出去埋單
消費: $17
=============================================
感謝 Iki 提供以上資料
Iki的網誌: http://ikiyeung.blogspot.hk/
=============================================
