東京富士山跨年之旅 2011-2012 (Intro & Summary)

こんにちは、カワイイ猫ちゃんです。
あげまして　おめでとうございます！

各位好，我係可愛貓呀~ 我祝各位新年快樂！喵喵~

唔經唔覺我已經住在香港四年啦，所以我真係好掛住日本呀，因為日本係我的家鄉黎架。
主人成日都話好想睇下積雪的富士山，而且我地又好想試下在日本過新年，所以就在 2011 年年尾去日本四日啦。

今次我有阿妹 (富貴貓) 和香味熊陪我一齊去玩呀，好開心呀。
原來富士山真係好高好靚架！真係難忘呀~
呢張相係在河口湖天上山公園影架，主人話呢度睇富士山好靚架~

不如我講下呢幾日的行程先啦。
首先我地去了自由之丘的 Sweet Forest 食甜品。
呢個紅苺梳乎厘好好味架。

到了夜晚我地去了汐留 Caretta 睇聖誕燈飾，呢度 d 聖誕樹係藍色架，好靚呀！
每半個鐘就會有樂隊演奏音樂，然後聖誕樹就會跟住音樂變色架！

第二日，我們去了河口湖，距離新宿大約兩小時車程。
呢日天氣真係好啦，所以就可以好清楚地睇到富士山。
呢張相係在大池公園影架，富士山真係好宏偉架！

呢日中午我地去了 HANA 網燒食韓國燒烤，牛肉和豬肉都好好味呀。
主人話呢間好推薦喎。

然後我們上了天上山公園，和在河口湖畔行下，咁就一日啦。

第三日我們去了西湖いやしの里根場，呢日天氣都唔錯，不過比前一日稍為多雲。
呢度有好多間稻草屋睇架，都幾得意架。

下午我們就搭巴士返新宿了。夜晚我們在酒店房間食年越そば。
主人話食そば的時候，入口前唔可以咬斷麵條架，要全部吸入口裡面，然後至可以咬碎架。

我們睇左一陣「紅白大戰」，便去了東京鐵塔對面的增上寺倒數了。
在增上寺倒數，可以睇到東京鐵塔架。
在踏入 2012 年前半個鐘，東京鐵塔會熄燈架。

一踏入 2012 年，東京鐵塔的燈變了紫色，好靚呀。

而另一面，東京鐵塔亮了 2012 的字樣。

東京的電車真係好呀，JR 山手線每十分鐘就開出一班，我們一點半就返到新宿了，不過主人話要買宵夜，所以攪到兩點三至返到酒店呀。

1 月 1 日朝早十點幾，我們就去明治神宮初詣了，個陣時都唔係好多人啫，我們排了半個鐘就到宮前拜神了。

之後主人仲買了幾個御守符和繪馬，她在繪馬上寫了一些願望，不過她話唔俾人睇她寫左 d 乜喎。

不過一到中午，就有好多人來到明治神宮啦，好彩我地早黎咋。

時間過得真係快呀，我們在原宿行左一陣，就要坐 NEX 去成田機場了。

我真係好唔捨得日本呀，希望主人好快會再次帶我返日本玩啦~！喵喵！

今次講到咁多先啦。等主人得閒就會寫遊記架啦。下次再見啦！^3^