眨眼之間又到年尾，但係今年嘅新聞就真係可以用「層出不窮」、「高潮疊起」同「估佢唔到」嚟形容！
就以年初嘅美國上市公司為例，明明業績公佈虧損但就可以股價照升，跟住就幾大投行互降評級，但就採取迂迴曲折嘅手法，如：投行Ａ話投行Ｂ唔掂，將其評級下降，但投行Ｂ又唔會直接話投行Ａ唔掂喎，而係話投行Ｃ唔掂．．．跟住就投行Ｃ話投行Ｄ，最後投行Ｄ又話番投行Ａ，情形就好似玩緊「爭櫈仔」遊戲一樣。
台灣呢，淨係以「前台灣第一家庭」為本，將佢改編為長篇連續劇，肯定收視勁過香港嘅「家好月圓」。
香港就以近期嘅「亞視風雲」同「倪周分手」最為轟動。「亞視風雲」就以「魔童」的「你個波係咪假架？」同埋女方袁小曼既回答：「我係真架，仲好軟熟添，使唔使摸吓？」最為傳神出位；而「倪周分手」就以「引咎分手」為題，連倪匡聽到記者提問後都禁不住說了些話：「寫得咁好玩嘅？引咎辭職呀？咁好笑嘅」！
![]()
如果事情就咁完結當然就唔算過癮好睇啦，「亞視風雲」以「魔童」開頭時的雄心萬丈，到最後的「黯然離去」，前後時間一共一十二天，而「倪周分手」就重更犀利，由分手變為結合，時間不久，只是多「亞視風雲」一天而已。一個是由喜變悲，另一個則是悲變喜，情節真是曲折離奇，教人激掌。
而名模馬詩慧對「倪周結婚」的看法更為抵死：「佢哋結婚可能想掁興經濟，等啲酒樓唔使執笠」咁話，哈哈哈！
![]()
至於祖國，一場金融風暴，就證明咗「共產主義」優勝過「資本主義」，而國內奶品行業為了回饋長期用家，所以送咗粒石出嚟作為禮品，而且係人人有份，永不落空咁話。
由於筆者還想回去食荔枝同旅行，所以都係
唔講住咁多先．．．
![]()
![]()
![]()
============================================
感謝 甘蔗 提供以上資料
甘蔗的網誌: http://kentseky.blogspot.hk/
============================================
