花開之城佛羅倫斯 florence * 2008

離開 Roma 之後 , 小妹跟同事 A 坐了個半鐘快車就抵達這個美麗既城市 – Florence  . Florence 是文藝復興既發源地 , 被稱為翡冷翠 , 亦係衝上雲霄既主要拍攝地 , 回想劇中男女主角在此 Kiss 既一幕 , 真係浪漫至極 !

由於小妹下午四點多才抵達佛市 , 搵到酒店後都成五點幾 , 趁天未黑 , 決定去米高安哲勞廣場陪大偉睇日落 . 由離開香港個一刻起 , 小妹跟同事 A 每日都在趕景點 , 今日終於可以停下來慢慢欣賞佛市既日落美景 . 從高處向下望 , 佛市真係好靚好靚 , 上年沒機會到此一遊真可惜 !

等了很久還沒日落呢 ! 小妹跟同事 A 決定在佛市逛逛再回酒店休息 . 我兩先到出名既維琪奧橋參觀 , 其實條橋根本唔靚 , 仲好殘舊 , 但附近好熱鬧 , 好多商店 . 反而第二朝係橋既對岸睇景色就唔錯 !

回酒店途中會經過玉翠畫廊跟比達皇宮 , 但小妹一心到巴黎先睇畫同皇宮 , 所以到門外拍拍照就算了 .

第二日行程主要係到比薩看斜塔 , 下一篇再跟大家分享 . 下午四點多先返到 Florence  , 但聖母之花大教堂關門了 , 只好明天再來參觀 . 明知道聖哥斯教堂也關門了 , 但明天要趕火車 , 根本沒時間參觀兩間教堂 , 所以小妹決定先到聖哥斯拍張照片才回酒店休息 . 行程趕 , 總要權衡輕重 , 能夠到此一遊總比擦身而過好 !

世界真細小小小 , 小得真奇妙妙妙 … 係酒店附近既超市遇到好友既表妹 , 他鄉遇故知 , 心情興奮 ! 明天就要離開佛市 , 一直都想跟這個大嘴拍一張照片 , 當我兩走近拍照時 , 才發現個嘴真係好迫真 , 什至有點恐怖 !

最後一天佛市遊 , 目標係聖母之花大教堂 . 在羅馬未能跟同事 A 參觀梵諦岡 , 來到 Florence 大教堂再不入內參觀 ,  今趟行程會有更多遺憾 ! 教堂內部好暗 , 跟梵諦岡的金碧輝煌差太遠了 , 但走了一趟出來 , 心靈好像真的被洗滌過 , 突然平靜了很多 .

前往火車站途中 , 遇上了這個迴旋木馬 , 再陪襯佛市建築 , 感覺皇宮就在不遠處 , 那皇子在那裡呢 ?? 能夠以迴旋木馬作為佛市之結 , 感覺很幸福 ! 再見了 , 美麗的 Florence  ~