第一次泳班

係團購買左史丹福既泳班比悠悠去試下

悠悠平時去泳池BB池會好開心

但去沙灘就會喊爆成個沙灘

係屋企用花灑淋佢頭會尖叫

但我成日訓練佢,所以而家淋頭都OK了

只係會一直係咁抺眼

 

今日第一次去泳班

買齊泳帽泳鏡

悠悠未出發先興奮

 

家長係泳池外玻璃可以睇到入面情況

仲有一個玻璃房有冷氣有凳座,都幾唔錯

 

 

 

 

 

見大約有十幾個小朋友係團購既

首先排好隊做熱身

 

 

跟住就開始落水

一個老師帶5個

先幫小朋友戴好手袖

幾個小朋友好開心咁係水到跳跳下

依個時候..聽到悠悠大喊....

可能係比人整到水落眼...

跟住老師都幾細心

有抱起佢慢慢教佢

仲比啲玩具佢玩

又叫一個比較大既哥哥陪佢

比佢用水潑落個哥哥到..

過左一陣.悠悠開始無咁驚

開始敢行開,敢係水到跳了

好快一個鐘過去..

順利完成到第一堂

 

 

 

今次感覺都幾好

可能5個小朋友入面,得悠悠一個喊

所以老師有特別注意佢

尼緊兩星期仲有兩堂,

試埋就可以考慮繼唔繼續

我唔洗悠悠學晒四式,唔洗好勁

只要落水識游就夠了..