各位, 我返黎喇!!
今次蜜月之旅好順利, 我地仲睇到三晚北極光, 雖然都唔係好強, 但北極光真係要天時地利, 所以我地已經好滿足!
北歐真係好凍好乾, 我頭幾日係冰島日日流鼻血, 好彩帶左放濕機, 後期已經冇乜流了, 不過依然係好乾, 指甲崩左幾隻, 又易刮損, 真係幾辛苦呢!!
冰島溫度唔算好凍, 起碼冇負數先, 不過都幾大風!
Bergen都唔太凍, 都係有風, 基本上有風先會覺凍, 我地好好彩, 係呢個一年2/3日子係陰天既地方, 我地兩日都係好好天, 一去到已經有個女人話我地好好彩了!!
芬蘭就真係好凍Helsinki差唔多0度, Rovaniemi同Ivalo幾日都係零下十幾度, 好凍好凍, 不過其實我都接受到, 之前去加拿大都試過呢種天氣, 所以有心理準備了, 冇零下廿幾度已經好好呢!!
至於感覺, 冰島冇我想像中咁平靜, 我住個度太雜了, 晚晚半夜四點條街仲好嘈, 第二日地下好多玻璃碎, 一直以為因為樓下酒吧所以先嘈, 到最後一晚我地半夜去機場, 先見到成條街企滿飲酒既人, 同老公一個街頭一個街尾等車期間仲有個醉酒鬼仔黎聊我, 嚇死我呀!!
Bergen好靚, d人真係好hea, 我地去到係星期日, 基本上冇鋪頭開, 連漁市場都冇, 因為放復活假喎(其實都未到), 連帶我地都好悠閒咁過左一日, 挪威係最燒錢地方, 因為我地太豪食左兩餐海鮮, 哈哈!
芬蘭感覺: Helsinki火車站較雜, 另外條街好多垃圾, 尤其係煙頭, d人真係就咁掉地, 仲有唔少痰, 真係有d似大陸, 北面地方多雪, 有垃圾都俾雪遮晒, 但係都見到好多狗屎, 個邊真係好多人養狗, 雖然地方大, 但d人真係出黎放狗大小便, 唔知佢要請幾多人做清潔呢?
雖然對唔同國家印象都麻麻, 但我地都玩得好開心, 我會慢慢寫返d行程架喇!!
鐘意SeeWide的分享，給我們一個Like吧！
-
-
-
- 攻略日期：2013-04-03
- 攻略地點：N/A
-
- 攻略時間：1日以上
- 是次消費：N/A
-
