海洋公園遊玩記

由 MR.MOON 於 2012-08-24 13:54:48 發表 | 累積瀏覽 1077

分類：主題公園；地區：香港仔

是次消費：每人平均約HK$ 240.00

八月二十三日星期四...一家三口去OCEAN PARK...

本來打算星期五去既...不過...

天文台預測星期五較為酷熱...

星期四零晨決定改為多雲既星期四去啦...

一點多瞓...晨早七點多起床梳洗出發...

點知...星期四全日天朗氣清...太陽好猛烈啊...

我們一早睇好地圖...PLAN好要走既路...

中旅社買換票証...成人一張二百四十元...平四十元...

小童一張十百二十元...平二十元...

一家三口合共慳了一百元...

我們食過早餐就起程坐巴士啦...

轉坐171號巴士...經過超塞既紅隧...

好彩我們上車的是頭兩三個站...有個位坐坐...

等等等...過左香港仔隧道就可以落車...

落車步行大約五分鐘就到啦...

海洋公園正門...嘩...超多人呀...

好多人排隊買飛呀...幸好...

一早買左換票証...只需要排隊換飛就得啦...

7號窗換飛...排既人唔太多...

大約十個左右啦...等左十分鐘左右啦...

終於...十時四十分左右入場...

相比預計遲了...

見到四川奇珍館...唔打算去啦...

急急腳...向前衝...

我們先先由海濱站坐海洋列車過高峰站...

一到站就即刻排隊玩超速旋風啦...

排左一個鐘...等到花兒謝了...

我同小女坐...蝦子餅自己坐...

飛上天...望到好靚既風景...

心情好舒暢...

玩完去左排橫衝直撞...

等左半小時左右...車車好快玩得...

好難控制...唔識玩...真係撞左等完...

排隊等既時候...一路睇住隔離既動感快車...

唔好講玩...睇我已經腳軟軟啦...

我唔敢玩...

玩完車車...我地去左南極睇企鵝...

門口既係假既...唔知入面既企鵝點呢???

為左企鵝可以適應環境...場館温度好低...

一時感覺好寒冷呢...

真既企鵝出場啦...

好可愛呀...

原定唔坐過山車...不過...小女好想玩...

打算陪陪小女玩好似唔太刺激既極地時速...

誰知...排左好多人...相信等要OVER一小時...

決定...放棄唔等...玩其他...

打算去海洋天地...點知行錯路...

行左熱帶雨林天地一方...唯有先玩...

可惜...熱帶激流暫停...

只有...繼續前行...

去太平洋海岸...行行再走回頭啦...

好攰啦...坐低休息一下...

食左隻熱狗...雞脾...

飲左兩杯大汽水...盛惠九十四元...

繼續行程...

排左半小時坐摩天巨輪...睇睇風景...

睇睇...海洋劇場好多人喎...

跳樓機...睇到心寒...

還有...瘋狂過山車...

睇睇過山車轉三百六十度既圈呀...

好大聲既尖叫呀...聽到...真係驚多份...

小女唔夠高...唔係一定要硬頭皮頂住上...

坐完摩天輪...我們去左玩飛天鞦韆...

十五分鐘就可以玩啦...

初初感覺好好...不過...

轉得太多個圈...頭暈暈...

減少兩三個圈我諗好D...

嘩...已經四點半啦...

預計唔同左...時間緊逼...

我們趕坐沖天搖船...坐最中間後一排...

搖呀搖...好驚驚呢...

因為唔太岩玩...我地冇去急流天地...

打算坐纜車回海繽樂園去威威天地...

嘩...等一個鐘囉...

職員話...海洋列車五分鐘一班車...

我們決定唔等纜車坐海洋列車...

落車即刻去香港老大街逛逛啦...

我未見過既巴士...

舊式...電話亭...

環迥水世界...

大娛樂戲院...

大街商舖林立...好懷舊喎...

好似置身舊年代...

電車...

老大街有一個職員幫遊客影相...

睇岩可以即時沖曬...不過...

那位姐姐唔問就沖曬要我買...

我當然唔理佢啦...

未睇清楚就PRINT要人買...唔係太得囉...

唔係錢既問題...而是...感覺有點騙人...

行完老大街...回味一番...我們出發去威威天地啦...

即刻去排砵砵火車頭...

小女要自己坐喎...我和蝦子餅坐...

小丑奏曲呢...LA...LA...LA...

小女玩完青蛙跳同星空奇遇...我們急急去探探大熊貓...

好嘆喎...

周圍行周圍望...

睇完熊貓...出發下一站睇魚魚...

中途睇到夢幻人工湖...好靚呀...

海洋奇觀...我們來了...

好多魚魚呢...有大條...有細條...

五顏六色...好靚呀...感覺心境好寧靜...

下一站...出口...

朝早到...天黑走...

OCEAN PARK...再見啦...

我們這一家玩得好開心呀...

不過...少D人排隊可以玩哂睇哂就好啦...

或者...海洋公園推出兩日票就好啦...

我冇買紀念品...

小女買了一個匙扣...價值二十九元...

還有做了一個生肖幣...價值十元...

這個幣好有特色...本想一人一個...

可惜...太晚了...

留待下次再做吧...