之前 0係香港一直都係行 hea 山，呢日終於行左鑊甘。
上山前集體熱身三十分鐘，行咁多次山都未試過
我地一點鐘 0係北潭凹出發上牌額山
從牌額山看蚺蛇尖
在牌額山上大合照
在山上一直無間上又無間落，落牌額山的的路很峭，我不慎滑倒手掌落地，回家後發現真的跌瘀了，要捈鐵打酒
今天的山路雜草叢生，有人咁高，要撥開D草才看得到路
俾人影左落山時個淆底樣
無間上落多次之後終於來到鹿湖郊遊徑， 見到較正常的山路。我們在此午休。其時已四點半。
以為會 CUT掉大蚊山的路段，點知帶頭人繼續上路。為了不用摸黑落山，只好加快腳步
接了上大蚊山的隱蔽小徑，我們又再摌林上山。今回上山的路除了多草之外D梯极仲好高，上得很吃力。
接近山頂，可以看到西灣和鹹田灣
上到大蚊山已日落。可惜山頂太多草，面積不大，冇乜睇頭，有點失望。
在大蚊山山頂拍了大合照便開始下山了
趁未天黑就快步落山了。落山的路比之前的更斜，想用絕招坐住落，又俾前後的行山達人訓示話會令後面 d人落山的路變得更滑，惟有小心奕奕死頂龜速行落山。
落山時趁等後面的人的時候匆匆拍下的。因為難行，大部份時間我都低著頭行，睇唔到風景
終於趕在天黑前落到安全的地方
赤徑日落
來到赤徑已天黑，還要走一小時石屎路才到巴士站。那些行山達人還有氣力跑落山，我的腳骨力已用得七七八八，跑左一陣就冇力跑了。還好路上看到兩隻螢火蟲。這是我第一次在香港看到螢火蟲。
行完山集體拉筋
經歷六小時的無間上山和無間落山，第二天我對腳緊到上唔到樓梯，步行速度比平日慢三倍。
============================================
感謝 lingwhatever 提供以上資料
lingwhatever的網誌: http://lingwhatever.blogspot.hk/
============================================
