好野!去海洋公園玩!

好耐無去過OCEAN PARK LA! 中四到依家!我連安安佳佳都未見過!趁住近年公司工作比較清閒，厚住臉皮同上司講要去海洋公園玩，請左一日假。

當年海洋公園有一個大人免費帶一個十二歲以下細路入場0既優惠，上兩次去我都扮細個冇俾$。呃左海洋公園兩次，今次要回饋下佢地。

買飛已經知道我又再一次同安安佳佳緣慳一面，因為熊貓館裝修。於是我地向兒童王國進發。

九十年代0既小朋友，仲記唔記得<兒童王國>暴力賤格版廣告歌?

「XX王國，做主角，教壞朋友，去青山"PAT友"，殺死一家四口都好似未夠」非常血腥!!

實不相瞞，其實我今次係第一次玩木馬。我以為木馬只係會向前郁，原來仲識得上下郁，比我想像中好玩。

同海洋公園新0既吉祥物威威合照，威威非常專業，姿勢角度都好好，仲當我細路摸我個頭，可惜在下表情姿勢俱劣。

是日係閒日，散客不多，我地兩個人坐一架纜車，玩GAME又唔使排隊。基本上除左唔開0既海盜船，所有機動遊戲都玩SAI，玩埋跳樓機，越礦飛車都玩左兩次，非常盡興‧我鍾意玩過山車多過跳樓機。過山車是驚多過險，令我感覺刺激; 跳樓機險多過驚，令人感覺不舒服。下次坐過山車我要坐最前。

但係，我被飛天太空船難到了。一路玩一路傻笑，仲有D驚。玩完仲唔識解開個車箱門鎖出番去兼失去平衡好一陣子。

海洋館已第三次去，依然覺得震撼; 鯊魚館很不錯，因為冷氣夠; 百鳥居好像被人違忘了; 新建的水母館也很出色。但係D企鵝去左邊? 海洋劇場原來有故事0係入面，細個睇果時都冇留意。不過冇左殺人鯨海威好似有D失色。

我希望看見海洋公園不斷進步。

============================================

感謝 lingwhatever 提供以上資料

lingwhatever的網誌: http://lingwhatever.blogspot.hk/

============================================