Day 2 6:45就morning call，好耐冇試過為左玩咁早起身。0係酒店食左餐質素一般0既自助早餐就要搭幾個鐘車去今日惟一0既景點-乳源大峽谷。山路多灣狹窄，又落雨，好難行0下，險象環生。司機勁響按，我問阿妹點解司機成日響按，明明冇乜車。阿妹寸我: d灣咁急佢睇唔到前面咪要響lor!你唔係唔知呀?我不禁佩服阿妹0既分析能力，讚佢有道理，佢一口中學生口吻說到:你 "kind 0者"! 咁都唔知!" 我問我只有小四程度0既阿媽點解個司機成日響按，阿媽好快就答到我:"轉灣睇唔到有冇車咪響按lor"
由八點坐車坐到十二點，經過數個慘不忍睹0既公廁，好不容易先到乳源。遁遊話有一個鐘時間自由活動，god!坐左咁多個鐘車，得一粒鐘咁大把??導遊又話由於時間關係，亦唔建議大家落果條千幾极0既樓梯去谷底。呢d就係跟團0既唔好處。如果自己去，我可以0係果度待一整天。
有d似sydney 0既blue mountain
得一粒鐘，我地只可以0係個谷繞一個圈，然後等睇一點鐘0既咩亡命表演。乳源0係香港聽都未聽過，比我想像中靚，同sydney blue mountain有幾分相似，可惜同人唔同命，一個0係澳洲，一個0係廣東省。同人講自己去過睇blue mountain，好似好形，同人講自己去過乳源，人地都唔想彩你。我相信我地偉大0既祖國一定有好多山水勝過澳洲或者其他旅遊勝地，不過由於宣傳不足/錯誤發展，有d就不為人知(eg 乳源)，有d就不論不類(例如北京圓明園那個不知所謂0既"圓明園遊樂場)。我偉大0既祖國，仲有好多好地方等待我去發掘。但係大陸治安唔好，我始終唔係好敢自己一個女仔番大陸backpacking，大陸唔同澳洲呀!!但係我真係好想!!呢個係一個挑戰。
當日天色很差，大霧，仲下毛毛雨，影唔到靚相。 一點，準備睇咩亡命表演。之前冇咩頭緒呢個所謂0既亡命表演係咩一回事，反正乳源0既門票只係30蚊，我唔會expect有咩好野。誰知呢個表演真係好亡命，甚至係玩命。兩個表演者一個踏單車，另一個被吊在單車下，單車0係一條懸掛0係峽谷兩邊0既綱線上行駛，肉眼所見，完全冇安全繩/安全網/威也等任何安全措施，一失手，兩個都會冇命。導遊話呢個表演因為太危險，所以冇保險公司承保。睇見呢班聲都未轉0既0靚仔唔識死咁表演，我當時係唔知驚。因為大霧，我以為自己睇緊皮影戲，唔相信是真的。回過神來，感慨0係中國，類似呢班為左糊口而不要命0既人究竟有幾多? 乳源0既門票只係每人30蚊，0係呢30蚊裡面，呢班人可以分得幾多?表演0既搞手明知冇保險都照開show，請一班未懂性0既人去玩命，人命0係擁有十幾憶人口0既中國係咪咁一文不值?我地0係澳洲做二打六摘橙，僱主都有幫我地買保險。中國距離文明亡仲有好遠。
真係一步一驚心。
飯後便番韶關酒店。韶關好似幾出名，但城市規模比我鄉下常平還不及，冇乜睇頭。導遊話今晚冇活動，酒店又離市中心遠，唔建議我地自己去玩。唔想留0係酒店0既話可以俾50蚊去睇咩瑤族民藝表演，睇完可以去埋韶關最旺0既步行街shopping。唔想0係酒店hea 0既我們惟有做水魚俾50蚊。
個瑤族表演0係一個叫做"韶關森林公園"(有點可笑的名字)舉行，專做旅行團生意。表演比想像中好，唔太老士，有高難度表演(如嘖火)，又有互動性，會請觀眾上台一齊跳舞，飲荼，仲有一個婚禮環節，選觀眾做新郎上台俾班表演者玩。咁0岩被選0既都係我地0既團友，其中一個係同枱四人家庭0既大仔，平時見佢唔出聲淨係聽mp3，都估到佢唔多願意上台俾人"舞"。見佢一副既無奈又唔好意思唔合作0既表情，也替佢可憐。不過台上部份青靚白淨0既表演者，實在好令人懷疑係咪瑤族人。我發覺我老豆帶左我頂冷帽之後都好似瑤族。我地建議佢可以番大陸d旅遊區拖住隻馬扮瑤人俾遊客影相，一張收30蚊，騎馬收50，有得做。
睇完表演，去步行街行左陣。類似0既步行街，0係北京、上海、甚至常平都有，想起0係澳洲join easy rider tour時導遊成日聽0既一首歌: every fucking city is the same
============================================
感謝 lingwhatever 提供以上資料
lingwhatever的網誌: http://lingwhatever.blogspot.hk/
============================================
