裁員事件後的第一個星期一。黑色星期五之後的第一個星期一。
本來今日有兩個新同事上班，不過有一個甩底
上司安排左我同佢番早，其他同事都番晏。佢要照顧第一天上班的新同事。
由於未知新同事背景如何，我對她抱謹慎態度，不欲與她多言。
上司笑說新同事似我。我承認從outlook、髮型、打扮看來，驟眼看是有幾分相似。但聽到這句說話，我覺得好反感，尤其是出自他口中。我發悔氣地對他說 :「咁請佢la! 炒左我 la! 」
上司聞言，答到 :「乜你好想俾人炒咩? 」
我知自己又講錯野，立即轉話題講工事。
ceo罕有地出左一篇中文announcement俾所有同事。內容係話公司為左0係經濟低迷的情況下更有效率，星期五做左個人力資源重組 (裁員的體面說法)。雖然公司近兩個財政年度有累積虧損，但公司有充足現金應付，總公司亦有打算擴張香港業務。不過有現金唔代表可以無止境的虧蝕。所以員工要努力工作，以客為本，做高層的要作好榜樣。這是為了公司的前途著想，亦是為留下來的每一位員工著想。
唔知道佢講0既野有幾成係真。
其他番晏的男同事今日都好準時。仲跟足規矩打晒呔。
前同事jason的女朋友來了做 part time。見番熟識的面孔很高興。大家都向她打聽jason的近況，仲打電話俾佢。雖然我們的心情是平伏了，但係我地都好掛住jason，好掛住d舊同事。
有lecturer 得悉裁員事件，send email 叫我 take care.
放工前主動到上環center放 notes，做埋前admin assist 同事grace 果份。無辦法la呢個時勢。
6:30從上環地鐵站回尖沙咀火車站，god! what a nightmare! D人多到R! 轉線又唔就腳，走上走落， 又要等幾班車先上到車，行得我身水身汗，發忟憎。 我足足用左三十分鐘先可以由上環地鐵站番到尖沙咀火車站上火車番上水，比平時遲左20分鐘先番到屋企。
無辦法la呢個時勢。
============================================
感謝 lingwhatever 提供以上資料
lingwhatever的網誌: http://lingwhatever.blogspot.hk/
============================================
