參加左travel life 0既網聚，有機會見下去左澳洲0既hk人
本來對參加呢d網聚有d抗拒，因為自己個trip又唔係好巴閉，好似冇咩值得分享
不過諗起自己出發之前都好徬徨，好多野都想搵個人問想知，又好想認識多d同道中人，於是膽粗粗一條友去左。(未去oz之前我一定唔會一個人去呢d陌生人0既gathering)。
連埋我，total有6個去過澳洲0既人出席，不過我地都要解答未去過0既人0既問題，冇乜時間同佢地2地詳談。今次呢班pre whm 大多係做開野幾年才去米，除左3個一齊出發0既poly fresh grad, 佢地都意外我已經去左澳洲都咁白淨，笑稱自己仲黑仲似去過番來的人，我也不否認’。去過澳洲的人，大多已"還俗"做番一個普通香港人，有的仍繼續浪蕩，搞生意/做part time，還打算做寶福山sales，唔知講真定講笑。有個上星期先番來的似乎還浸醉於backpacker歲月中，一身backpacker打扮(大backpack、涼鞋、行山褲)出現。最搞笑0既係俾我0係一個ex whm jacky相簿見到auch同另一個我0係oz見過0既韓女，另一個香港女仔都話0係hobort見過auch。同大家share曾經0係澳洲遇過0既人，感覺很有趣。
個gathering 由6:30開始，由於我被一班pre whm包圍，我講野多過食野。傾到十點個餐廳關，大家都意猶未盡，再落city u 大堂圍住再講。講起行李0既問題，poly3人組竟然問有冇需要帶一年用0既日常用品(eg shampoo, )，jacky抵死地答到"其實澳洲好先進，去澳洲唔同去非洲，好多野都可以買到，係唔使帶一年0既衛生巾"．原來jacky只帶左旅行裝shampoo沐浴露去，竟然用左一年都唔使再買。大家又share番一d澳洲之旅0既瑣事，原來大家都曾經用lonley planet當枕頭，自己補勞工手襪同補鞋。
好想再有機會同其他 pre whm sharing。
============================================
感謝 lingwhatever 提供以上資料
lingwhatever的網誌: http://lingwhatever.blogspot.hk/
============================================
