尋日一家人同特登0係東莞出來0既叔叔二嬸一齊去西環探未期cancer的爺爺
上次見佢係幾年前新年，當時佢仲肥頭dup耳，笑容仲有d猥褻(阿媽成日話佢咸濕)
今日見佢真係好虛弱，冇力郁又講唔到野，但仍有意識，清醒
我地成家都係第一次接觸病得咁嚴重0既人，都唔知講咩
對爺爺病情最了解0既姑姐話醫生話佢得一個星期命
幾日前本來仲ok，可以自己落床講野，醫生話有幾個月命，但突然跌親之後情況急轉直下
醫生話有咩要講就趁佢呢幾日仲有意識好講埋佢
原來爺爺一直都唔知自己有未期cancer，醫生叫姑姐唔好同佢講
尋日見佢咁，又罕有地成村人去探佢，我估佢應該知道自己捱唔到幾耐
同佢講野，佢有反應，會望你，但睇得出佢好嬲自己回答唔到，成日想整甩d管又整開d被
見佢咁，原本對佢冇乜好感0既眾人都動惻隱之心
連十年冇見佢0既細佬都主動第一個捉住佢隻手同佢講野
阿媽叫我地唔好問佢野，費是佢想答又答唔到仲唔開心
叔叔講d野最正路，同佢講佢會冇事，等佢好番同佢番常平，又話屋企個個都好好
老豆就真係唔識點做，成日問佢係咪好痛，叫姑丈睇下佢好唔好
姑婆同爺爺感情好好，但姑婆中風，冇人同姑婆講過爺爺0既病情
我地0係病床旁邊逗留左成個鐘，臨走老豆叫我地三個同佢講bye bye
細佬第一個同佢講。原本好疲倦0既爺爺突然爭大眼，好似想透過眼神同佢個孫仔講d野，
似乎知道今次係最後一面
見到佢有意識但又未能表達，呢個stage對佢來講應該最辛苦最難推
唔知佢依家有冇後悔佢呢世人負過四個老婆同埋冇盡過做人老豆/爺爺0既責任?
============================================
感謝 lingwhatever 提供以上資料
lingwhatever的網誌: http://lingwhatever.blogspot.hk/
============================================
