當我地在chris & marie打工的同時，一班日韓同房都冇工開。佢地等左成個星期工chris先同佢地講有得摘raseberries，不過都係得一日。大家聽到都好失望。為左振奮士氣，酷似王菲的日女 "王菲" 話要0係摘 rasebarry 果朝唱番首歌，叫"better than nothing"，意思係有得做摘 raseberries都好過冇。
失業的日子留在small town emerald時間實在難捱，無所事事。有次同一班同房0係後花園吹水，中文韓女突然大叫一聲"i have nothing to do!" "王菲"搞笑地說" everyone knows that! You don't have to say that!!"。於是除左 "BETTER THAN NOTHING"，我地又有一首新歌，叫"Nothing to do".
日女MAUMI生日，一班同房在hostel為佢慶祝。中間果位係"王菲"。
完成了chris & marie的工作，八到另一個 farm tnb將在一星期後有planting工。於是我放左自己一星期假，自己搭火車去adeliade join一個由adeliade出發到melbourne的great ocean road tour。
夜宿賭場廁所
當晚我九點幾坐hostel車出火車站去city，諗住一直留0係火車站到第二朝七點坐火車去adeliade。點知原來火車站會關閉，凌晨兩點幾我俾人趕走左。
其時正值commonwealth games(類似奧運會的盛事)，住宿價格暴升，以往廿蚊以下的hostel一晚要成三十蚊，為左果幾個鐘就花成三十蚊，好似好唔抵。但係天氣咁凍，唔通要我露宿街頭?
正納悶，忽見不遠處之MELBOURNE CROWN賭場，醒起賭場廿四小時開放，於是就去過一晚夜。但我背住大背包，入賭場會好異相，於是我匿0係賭場外的傷殘人士廁所，又闊又乾淨，仲可以成個人躺下。不過經常聽到門外有人想入廁所，又聽到有清潔工想入內清潔。整晚擔心被職員發現，一D都唔安樂。
好不容易等到五點火車站重開，名正言順番火車站等。去換車票時，又因為之前幫我0係電話落單的職員打錯我個名而搞左一大輪。
七點終於上到火車，好彩冇乜人坐，我可以一個人坐兩個位訓住去ADELAIDE。
MELBOURNE至ADELAIDE的火車- THE GHAN
由MELBOURNE至ADELAIDE起碼要十個鐘，去到ADELAIDE已黃昏。CALL了HOSTEL的職員PICK UP，晚上一直留在HOSTEL。
adelaide失魂記
第二日一早起身去探索ADELAIDE‧今次係我真真正正自己一個人探索一個城市，相當興奮。我只有一日時間，不過ADELAIDE TOWN CENTER不大，一日都行得晒，又有免費巴士往返各主要景點，省回不少腳骨力。
對於我呢個方向感白痴來講，一個人拎住張地圖周圍走的確有難度‧可能因為第一次自己真真正正一個人發掘一個城市，精神緊張，我竟然大意地將自己部相機漏左0係一商場廁所，成十分鐘之後先發現。大驚，即仆番廁所，0係廁所門口截停一個阿婆，好彩部相機仲0係原位，但已嚇得我魂飛魄散，惟有去公園坐坐定一定驚。
閒逛一輪之後見到南澳大學，心諗學校食野應該平d，又可以體驗澳洲大學生的滋味，於是入內走走。
可惜南澳大學飯堂的東西並不比外面平，我點了一個肉批，都要四蚊，又唔好食。
食過飯，在校園周圍走走，去過書店、學生會、睇過學生notice board，勾起不少自己大學讀書時的回憶。見到不少學生坐在草地上聊天睇書，十分羨慕。在香港讀大學不可如此寫意。
別過大學，走到lonely planet介紹可"watching pepple"的ruddle street，普通商業街一條，只是多了些頭表演。
離開ruddle street，坐adeliade town center的free bus遊了兩圈，到china town買未來幾日的午餐、晚餐，臨回hostel之前在廣場留影。
之後靠information center的地圖嘗試走回hostel，走到旅遊書寫的 hostel 地址時卻發現那是另一間hostel。問左幾個本地人先搵番間hostel，原來旅遊書上的hostel地址是屬於另一間hostel的。俾旅遊書"線"左一穫。
有趣的美國人
回到hostel食過晚飯及hostel的 "free home-made cheescake" (只係超級市場經常買到的，好失望)，到common room寫日記睇雜誌。其時，一美國男同德國女正吹水，見我來坐，那美國人問我係咪都係德國人。我帶點驚訝地回應"好明顯唔係la!"美國人話: 我仲以為呢度個個都係德國人， 因為我0係澳洲見到的都係德國人"。
呢位人兄似乎幾有趣，於是同佢吹下水。佢要在adelaide待一個星期，因為要等去一個星期先得一班的火車去sydney，希望0係果度搵到工。我問佢adeliade咁細咁悶，佢0係呢度成個星期有咩做，佢坦誠的說" I have nothing to do"。從佢口中知道其實不同英語國家的英語都有分別。佢地聽一個外國英語人講英文，雖然可以明白佢地講既每一個字，但成句一齊聽就可能唔明對方講d乜，要諗一輪先明。例如澳洲人經常講的"how's going?"，美國人就唔會講"how was it?"/" how does it going?"。另外，原來加拿大人同澳洲人都鐘意講野加 "R" 音，例如china會變左 "chinar"。佢又發現英國同澳洲人好鍾意講"fuck"同"fucking"，其時有一個澳洲人行過，佢問那澳洲人一日會講幾多個"fuck"，澳洲人話可能有一百個。佢都知道唔0岩，不過"I just can't fucking stop it"。我又同美國人分享有次我同三個英國人做野，我發覺當果三個人圍內講英文時，由於佢地講得太快，我淨係聽到" fucking xxxxxxx fuck xxxxxxxx shit xxxxxxx"。美國人明白我的處境，覺得好好笑。
在adeliade的最後一晚，因為這有趣的美國人，我過得很快樂。不過佢個名同佢個樣我都已經忘記了。
============================================
感謝 lingwhatever 提供以上資料
lingwhatever的網誌: http://lingwhatever.blogspot.hk/
============================================
