遊過太陽島以後，我們離開玻利維亞，向秘魯那邊的 Lake Titicaca 小鎮 Puno出發。
我們在玻利維亞旅行社買了往秘魯的巴士票。但來接我們的不是巴士，而是 van仔。上車不久便到達玻利維亞邊境站，跟玻利維亞say goodbye。
這天邊境站的入境處人員心情唔錯，問我 how is bolivia 之餘仲問我想個離境印蓋在護照哪一頁。
離開玻利維亞邊境站之後再上VAN仔到不遠處的秘魯邊境。今次要自行攜帶所有行李過關了。秘魯這邊的入境處規模比玻利維亞大，也挺有效率。唔知係咪使用這個邊境站的都是遊客的關係，呢度係冇人檢查出入境人士的行李。
過關以後，VAN仔的負責人人叫我們上另一架載滿遊客的大巴。其實過關時我地一直見到呢架巴士，亦都同巴士D乘客一齊過關，但係要過左來秘魯先上到架巴士。看來這是玻利維亞旅行社跟巴士司機的勾當。
來到 Puno巴士站，有個操流利英語的大叔向我們推銷他的旅館，15 soles 有 free wifi、free breakfast，幾抵，location也很不錯，就跟他上左架的士去睇。我們實在太耐冇聽南美人講流利英語。想也沒想就跟左個大叔上車，一 D 戒心都冇。好彩大叔都唔係壞人，佢間旅館真的不錯。
我們在 Puno 以二人價錢住的三人房，仲有電視同 wifi，每人每晚約 HKD$45。
安頓好以後便去找吃的。向平靚正菜市場出發!!
我們在 Puno 的第一餐飯 - 菜市場的南瓜飯，連飲品 3 soles，很滿意。秘魯的食肆很平宜，只是果汁沒玻利維亞那邊平宜，貴過食餐飯。
食完飯在街上閒逛同報團。其實 Puno鎮本身冇乜睇頭。來這裡的人都是要去 Lake Titicaca 玩的遊客。而呢個鎮就係純粹方便遊客衣食住行的地方。
Puno 的 market
Puno 碼頭旁看 Lake Titicaca
往 Lake Titicaca 各小島的渡輪資料
Puno 的 Plaza de Armas (武器廣場)。後來才知道幾乎每個秘魯的城市都有一座武器廣場，而每個武器廣場都總會有個教堂。
Puno 的大教堂
Puno 市的「乜都有一條街」，似大陸的那些步行一條街，對遊客來說挺方便
秘魯盛產熱情果。這個熱情果雪糕兩個球都只係 HKD$6左右 。食完冇肚痛。
秘魯的「國酒」 Pisco Sour。我酒量淺，飲幾啖已經 wing wing地。
比菜市場更便宜的午餐 - Trucha 魚飯，連湯都係 HKD$6左右‧Trucha 係 Lake Titicaca盛產的魚‧由於太平宜，食左之後好驚搞肚‧好彩都冇事‧看來我的胃經過玻利維亞的洗禮之後已經強勁左‧
晚上回旅館洗澡弄得我心力交瘁。早聽說玻利維亞和秘魯的旅館水壓不穩定，所以我們到旅館視察時都要求先試熱水。不過好多時 D熱水下午夠熱，夜晚唔熱，試來都冇用。Puno這間旅館 D 熱水則最有趣。經反覆試驗，我們發現當開水喉的時候要以特定的力度調較特定的角度，令到 D 水 「chop下 chop下」咁出先會夠熱。但chop完一輪，D 水又會凍番，於是又要關水喉，再重新以特定的力度調較特定的角度，令D 水 再次「chop下 chop下」咁出來。煩死朕。真懷念香港那些從來不會出問題的熱水浴。
============================================
感謝 lingwhatever 提供以上資料
lingwhatever的網誌: http://lingwhatever.blogspot.hk/
============================================
