今日睇到一單新聞話香港中文大學副院長麥陳淑賢涉嫌虐傭被警方拘捕,這人可能心理質素有問題,而且另外一單仲大劑,要出動重案組辣手神探去印尼落口供,千里為傭只求財,唉攪到人傷成咁,於心何忍呢.
又使我想起多明尼加的一位朋友蔡先生.上次講到他返香港揾老婆,有日他約我去飲茶,見到他的父母,傾談時他的父親,(己過身多年)同我講,亞卓即蔡生,讀書時成績真差,只讀完小學,而佢細佬由細到大讀書好叻,好多獎學金,依家仲係倫敦大學攻讀緊博士學位,讀的課程非常冷門叫細菌化學.幾年後他在中文大學任助教一段時期,後來大6佬高薪請咗佢去大6,我見過他細佬二次,我成日都感到奇怪,同一父母所生,為何有如此大的分別?他談吐温文爾雅,學識淵博,20多年以前在中大任過職的人,可能有些會認識他,因細菌化學,香港極少人讀過.
蔡生是一個老粗,可以說完全冇文化,而且光頭,身型如彌勒佛,又煙又酒又莫財,佢揾到呢位女仔做老婆,我只能講佢好運,姻緣呢樣嘢都好奇,呢位女仔在製衣廠做,樣貌身材一般,不喜歡同人交談,你問一句她就答一句,30多年都冇變過,他們快要結婚時,我和蔡生去過她的家,住在蘇屋村,她的父母親知道我去過多明尼加,不停的問我有関蔡生和多明尼加國的事情,以為蔡生經營鐘錶店講莫財不是真的?多明尼加生活好唔好呀?
============================================
感謝 wai 提供以上資料
wai的網誌: http://ngwai.blogspot.hk/
============================================
