![]()
|
|
呢位右邊是我在多明尼加認識的西班牙妹,如今己是師奶,剛好10年前的今日,她們順道來玩,請她們鋸扒
|
差不多中美洲和加勒比海的國家都是貪污不公,貧窮落後,無股票市場,無外滙交昜所,亦無炒賣房地產,多明尼加亦不例外,不過多明尼加近年算發展不錯,幾年前還起咗一條地鐵,好過唔比行路人入境的尼加拉瓜好好多,靠炒賣一朝發達致富都唔使想,唐人做生意勤儉積蓄,變咗愈富愈富,打工人工低,愈窮愈窮.
再講番之前的三拾多年老朋友蔡生,他有一個好處就係老實唔講大話,因我以前記憶力一向良好,行路人話遠清近朦,老人痴呆,我想我開始有啦,因30多年前的嘢仲記得清,幾日前的朦咗唔記得,我見好多人吹水講大話,想呃我都幾難,有些連自己幾個月前,幾年前講過乜都唔記得,變咗前言不對後語,不過無傷大雅,我從來冇拆穿,記在心裡就算,反正又不是深交的朋友,咪由得佢咯.
蔡生相睇時同女仔的老豆老母講明,唔想呃佢地,以免他們的女兒遠嫁到多明尼加會後悔,因自己本身冇銀両,老豆老母在香港亦是打工捱騾仔,開的鐘錶店不同香港,只賣幾隻上鏈鬧鐘,換錶帶,同埋日本仔的東方,星晨和精工手錶,不要講勞カ士未見過稍好的瑞士錶都一律欠奉,主要收入靠修理手錶,手作仔生意揾二餐,去到要捱世界,而且仲同細妹借咗錢,番去要慢慢還.正式是羌太公釣魚,願者上鈎.上天只照顧勤儉努力的人........祝各位網友2014年身體健康,萬事如意
============================================
感謝 wai 提供以上資料
wai的網誌: http://ngwai.blogspot.hk/
============================================
