尋日下午和朋友到呢個商場 high tea ,見到呢間店,忽然想起一單新聞,呢間售賣彩票的特約商店,位於我家附近的商場內,店主夫婦是香港移民, 2000年以30多萬澳元買來經營,我每次經過見到生意都不錯,好多人買彩票,不過我好耐都冇買彩票, 因以前買過三幾次,一次都冇中過,所以唔買,但我老婆每星期都買,上個月她跟我說,奇怪啦,點解唔見佢地開檔做生意?我話佢地夫婦二人可能返香港或去其它地方旅行,我老婆話唔會,若佢地唔得閒開檔,會揾人幫忙睇檔,以前都試過架.
前幾日睇本地報紙先鋒太陽報 herald sun ,原來上個月有一位老鬼婆拿著一張彩票比佢 check ,佢 check完話中咗獎,獎金7000元,因為電腦出咗問題,顯示唔到出嚟,老鬼婆收咗支票入咗户口,過幾日同家人講起,家人 check 到,冇可能7000元獎金,是32000元多,跟住報警,夫婦比差佬拉咗,依家週身蟻,等法庭判决。
我成日教我仔女,做人千萬不要做違法的事,一次好彩,並不表示次次都會好彩,若要人不知,除非己莫為.
============================================
感謝 wai 提供以上資料
wai的網誌: http://ngwai.blogspot.hk/
============================================
