今日得閒不如再寫多一些多明尼加,呢個國家帶給我好多光怪離奇的回憶,短短一個月內朋友介紹我認識佐8位香港移民多國的朋友,其中有3位已回流香港多年,1位去了美國纽約,1位仍留在多明尼加,其它的已失去聯絡.
先說失去联絡的二位,一位人人都叫他做明哥,他在Santo Domingo 長堤遊客區唯一的一間頂级酒樓做大厨,他12歲小学尚未畢業,就在香港酒樓廚房做學徒,1969年呢間酒樓老闆林先生到香港招請大廚,有人介紹他去見工,林生聘請了他,簽佐三年合同,1970移民多國,記得當初識他時,和他一起去長堤一間cafeteria 飲咖啡吃蛋糕,原來他不會看菜單,簡简單單的西班牙文都唔識講,我問明哥有冇搅錯?咁多年都唔識,他說他整天在廚房,見的都是唐人,講的都是唐話,休息一天多是到會館打痲雀或在家裡練神打氣功,連最客昜的鬼妹朋友一個都交唔到.
有日佢叫我和朋友到他做工的酒樓吃晚飯,話有魚翅吃喎,老番只識捉唔食,賤價賣比唐人,好多都運到香港上環,我們去到後,他帶我們入廚房参觀,這是我一生人第一次入酒樓廚房,他講解每碟菜都要有人做執碼,即是將菜放在碼碟上,厨師走油時順序先把最難熟的下鑊,又講解魚翅如何發如何去鯊,十分專業,不过我都忘記哂.吃完晚飯後他同我們講今個星期六下午三時會在會館表演神打,叫我們有興趣可以去睇他示範表演.個日去到時已圍滿人,只見他頭手腳不停的動,用刀砍肚時,真係陰功咯一刀砍入,血流滿地,嚇到個個大叫,我都冇眼睇咯,明哥佢入医院缝佐 20幾針.
============================================
感謝 wai 提供以上資料
wai的網誌: http://ngwai.blogspot.hk/
============================================
