![]()
|
|
這是成龍的親筆簽名
|
講起成龍想起好多往事,大约20年前多些,我和我老婆去日本,在啓德機場登機閘口等候上機時見到他,我老婆問我有冇一張白紙,我問拿來做乜? 她說拿去比成龍簽名,冇呀,拿張10蚊紙比佢簽,我老婆話佢肯唔肯簽呀? 放心啦,百幾人都冇一個搵佢簽,佢唔簽我簽.
Stella 姐留言'成龍講過的野都要經理人同佢「善後」架' ,好似上次又話中國人是要比人管的,這也難怪他,從少就比佢老豆送去于素秋老豆于占元處學北泒武打,出名的總共加埋七丁人,叫做七小福,個個十歲多,一唔聴話就受打受罰,所以養成自卑心態.又使我想起多明呢加認識的一位己經失去聯絡的朋友.
朋友介紹我認識時講过他的名字,但我忘記咗,因個個人都叫他做靚仔,17至19歲左右,滿臉稚氣,他在朋友五金店對面街的唐人雜貨店做雜工,早上9時做到晚上8時,星期日休息,我去過他做工的雜貨店好幾次,見到店內有一告示寫上西班牙文,意思是''本店蠅頭小利,絕不掛賬'',見到好多人都是自携一小膠樽買生油四份 一 升,,亦有人買幾枝香煙,亦有買米半磅,香腸半條或大半條,臘燭,火柴等, d 人真係好窮,生意濕碎,但人流多,算山大斬埋有柴,
朋友同我講靚仔的父母怕他在香港讀書不成,怕學壞,所以送他來這裡比佢老豆的同鄉代為管教,他住的宿舍就是雜貨店的樓上,.有次我去到他叫我不如上去宿舍睇下,一進去見到二張碌架床,他指個張上層是他睡的,我睇到牆上有二行字,我们在天國相見,神自會審判奸人,我問邊個寫?佢話佢寫.我同朋友講点解會寫這些?原來他宿舍有人唔見錢,懷疑是他幹的,他有冤無路訴,從二樓跳下,跌跛咗隻腳,所以行路有些拐拐地. 唉奸人如何會去天國?係去都係去地獄啦.正蠢仔
============================================
感謝 wai 提供以上資料
wai的網誌: http://ngwai.blogspot.hk/
============================================
