攻略日期：2014-04-16
本月初, 我們到朋友家慶祝妹妹3歲生日，一走入屋，嘩！一大堆約20多個氫氣球飄在空中，阿囝一見到即說：「好靚呀！好多波波呀！」。
原來是朋友為了今晚生日派對，專誠在淘寶淘了一罐氫氣及一堆氫氣球，朋友說：「淘寶個賣家話E啲叫氦氣，唔係氫氣喎，佢話氦氣比氫氣更加輕，更加安全，無咁易爆炸喎。」老實說，由細到大都叫氫氣球，一下子真的改不到口呢！
一筒大約可以充滿50個氫氣球的氦氣，22L 5KG，原來體積有如一罐細小的石油氣罐。朋友說：「我哋之前買過一罐細啲嘅，今次E罐175蚊人仔，連埋啲波嘅運費都係19蚊咋。」我答：「好抵喎，上年我哋年宵買隻米奇老鼠都要80蚊喎。」
之前都有想過在農曆新年期間淘一堆波波及一罐氫氣回來自製氫氣球，但怕氫氣太重運費會太貴，原來因為順豐不送氣體，（老實說順豐確實有點麻煩，真的很多東西也不能寄，寄玩具又要開封，不能預先包裝，幸好我寄的是二手玩具，如果我出售時寫明全新，未開封，發貨時又被迫要打開才可以寄，到時我真的不知怎樣算好了。），所以，用其他速遞公司才可以有如此便宜的運費。
我想我應該會買一罐較細的氦氣玩玩，但一定要找一家有壞蛋獎門人氣球(阿囝目前的頭號最愛, 地位已超越米奇老鼠及幪面超人了)的賣家，因為一次過寄來方便得多喎。
PS：同場加映入17個月大的小B女，被我掛了三個氫氣球得走得特別暢快，曾經很想一次過為小B女掛滿20個波波，不知她會不會飛起呢？
Facebook : https://www.facebook.com/hayakutang
