唔覺唔覺已經係峇里第三日了!
一早拉開窗簾就見到藍天白雲，
今日天氣係超級無敵好，
真係arm晒大Ka．Mia今日既活動!
係露天既地方食番個豐富既早餐，
個場都係貫徹左峇里風情--無冷氣，
不過又唔會好熱!感覺好舒服 !
食飽左就換定泳衣出發了!
第一站就係南灣，其實大Ka．Mia本身唔知去做咩，
以為去沙灘玩下水嫁咋!
又係果句信晒中文司機黃先生，
去到南灣先知道原來南灣係專門玩水上活動既沙灘!
著紅白色衫既先生就一個識講好重印尼口音普通話既職員，
介紹人客有咩水上活動可以玩同收費，
呢邊用美金會方便好多，
如果要玩水上活動既話就要帶多d現金去，
就係呢度大Ka．Mia洗左手上一大半現金!
一下子變左兩個窮鬼!
其實大Ka．Mia唔想整濕個身(都唔知著泳衣黎做咩)，
所以join左去海龜島既tour，
呢度最好既就係二人即可成行，
唔洗得齊人就可以出發!
個海龜島tour係包埋玻璃底船睇海底，
即係去海龜島既船程中停一停比時間你睇下魚，
原本用麵包引d魚埋船比人睇，
點知d魚都掛住食，玻璃底只有一條魚，
超冷清!真係好諷刺!
經過15分鐘船程就到左海龜島，
真係一個咩除左海龜之外就咩都無既島，
見到甘多船應該好多人過左黎參觀，
一上岸就被著紅色衫既工作人員帶住行，
佢地會因應你既語言而安排工作人員導賞，
但係咩都未睇之前就話要捐款，
話要保育海龜，
甘大Ka．Mia就例牌每人"捐"一萬印尼盾，
大Ka．Mia終於見到海龜，
想起都嬲嬲地Mia都無同隻海龜影到合照，
個工作人員一路都係趕鴨仔甘趕，
好急甘拎一拎起隻龜影張相又睇下一樣，
跟住就去餵大龜，
成班龜好似無食過甘爭住食應該係海草既野，
睇龜時一直有個影相仔跟住影左好幾張相，
可能海龜島既人覺得如果淨係睇海龜會太單調，
所以仲有其他動物比遊客睇同拎下，
好似蝙蝠、蛇、鷹!
大Ka係度玩蛇，
原來蛇個身係好硬，唔係想像中甘軟棉棉!
仲有超級大咀鳥同埋一隻好英既鷹!
大Ka．Mia行左海龜島一個圈之後，
就坐底左休息下，
工作人員就係甘問要飲咩，唯有飲個椰青，
嘩!好貴呀!要成四萬印尼盾一個，
其實好貴都唔緊要，問題係真係好難飲，
飲左兩啖就要放底佢，
又係以保育海龜為名去"籌款"，
仲有頭先講過一直都有一個影相仔跟住大Ka．Mia，
當行到碼頭時經過counter，
工作人員就話過去睇下頭先影既相，
老實講係影得幾靚，
又係好似之前係海神廟果些相有晒包裝甘賣，
甘幾錢一張呢?
一聽個價錢真係比佢嚇一嚇，
仲要唔知有無聽錯要二十萬印尼盾一張，
即係可以買十張之前係海神廟既相，
梗係放棄了~ 上船返南灣了!
如何問係唔係一定要去海龜島?
答案係................
返到南灣係沙灘影完一輛相之後真係企係度想清楚，
雖然陽光與海灘同大Ka．Mia唔多夾，
難得遇到甘好既天氣一定要玩下水上活動先至不枉去左峇里一趟，
大Ka．Mia思前想後決定左要玩水，大家各自玩一樣野!
大Ka玩浮潛(usd 35)，Mia玩深潛 (usd 65)!
呢次係Mia第一次潛水，
其實連游水都唔多叻既Mia從無想過話潛水就潛水，
因為係呢邊深潛係唔洗考牌，
只要有個教練跟住就OK，
著上潛水衣後，係船上跟教練學左幾個簡單既手勢，
再練左一陣呼吸後就入水，
海底世界真係太多預計唔到，
雖然海底既珊瑚無想像中甘靚，
但Mia真係覺得好好玩!
Mia摸摸下珊瑚時唔小心比珊瑚整親，
感覺好似不停比針(吉)，
係水底覺得隻手越來越痛，
最後教練指示上水，上到水面其實都唔係上岸，
Mia同會合大Ka，
Mia去左潛水時，大Ka就係水面玩浮潛，
教練見Mia係船上發晒呆，
叫埋Mia落水游下，
著左對蛙鞋後突然好似學識左游水甘，
連救生衣都唔洗著 ，好free呀!
Mia游到甘上下，教練突然叫Mia試下徒手潛水，
即唔揹氧氣樽直接潛入水底，
試左好幾次都唔得，
教練直接拉住Mia潛入水底，
Mia終於成功去到水底，
雖然因為唔夠氣好快就上番水面，
但真係好好既體驗!
(題外話)
突然想起海女(韓國同日本都有)真係好勁，
一啖氣可以用幾耐呀 ?
一面潛入水一面找海鮮，做得邊樣?
女人要養起頭家真係付出好多!
玩完一輪水後就返岸換衫就去下一站，
大Ka．Mia其實仲未食飯，但完全唔覺得肚餓!
唔知坐左幾耐車就到左峇里最南端既烏魯瓦圖斷崖廟，
係門口有一大堆免費借比人包既沙朗，
入廟前下身衣物短過膝頭就要包條沙朗，
大Ka做左一個好好既示範!
落車前英文司機又有溫馨提示"馬騮好頑皮，小心袋、相機同眼鏡"，
聽完司機講大Ka．Mia連太陽眼鏡都唔敢戴，
烏魯瓦圖廟真係係個斷崖上，
真係風涼水冷得好緊要(但係好熱)!
到底對住邊個海?點解可以甘大浪!
d馬騮真係好大殺傷力，
搶左個遊客個眼鏡不停屈，
眼鏡報銷lu!
d馬騮都好識擺pose，
影呢張相時勁驚佢會扑埋黎搶相機!
大Ka．Mia以為大家係平安既時候，
Mia突然覺得有人抆個袋，
轉身一睇原來係隻馬騮仔係度搶袋，
即刻fing個袋又叫，隻馬騮都唔肯手，
成隻馬騮同個袋一齊飛起，
馬騮都唔肯放手，有無甘頑強呀 ?
有個工作人員聽到Mia叫想過幫手趕走佢，
當工作人員想行緊過黎時，
Mia打一下馬騮條手，馬騮就放左手!
都係靠自己最好!
烏魯瓦圖斷崖廟最出名就係無敵大日落!
但大Ka．Mia果日天氣一般，
見唔到好靚既咸蛋黃都有少少可惜!
大Ka．Mia玩足一日累到就黎死，
就叫英文司機直接返酒店，
好在係酒店對面有超市同kfc，
晚餐就係kfc，印尼呢邊係炸雞配白飯甘食，
仲要係用手食飯無餐具，
大Ka．Mia決定試下炸雞算了!
其實就同香港kfc味道差不多，
跟住再去超市買埋手信就返酒店休息lu~~~
待續......
============================================
感謝 ka_mia 提供以上資料
ka_mia的網誌: http://kaandmia.blogspot.hk/
============================================
