探險家攻略 > 城中探秘 / 旅遊 / 美食之旅 > 其他 / 長線旅遊 / 餐廳 > ❤ 春日與櫻花約會@釜山2013 ❤ 完結篇 ❤

❤ 春日與櫻花約會@釜山2013 ❤ 完結篇 ❤

由 ka_mia 於 2013-06-13 00:00:00 發表 | 累積瀏覽 530

分類：長線旅遊餐廳其他；地區：釜山

話甘快就最後一日了，今晚就要離開釜山!
所以今日要食盡佢!今日目的地就係海雲臺!

Mia等既酒店係釜田站最大既好處就係交通方便，
係酒店向後面(釜田市場)行3分鐘左右就見到釜田火車站了!
去海雲台坐火車比坐地鐵快同埋舒服，

火車站既人唔多，Mia等就走去買票，
點知因即班車既車票賣晒，要等成個鐘既下一班車，
因為衡量過即使坐地鐵都要成個鐘先到又要企同埋轉車，
唯有乖乖地甘等坐下一班車!

Mia等見有時間甘就決定行番出去個釜田市場有咩睇，
釜田市場係一個傳統市場，
所有乾濕貨都可以係度找到!

千其唔好以為傳統市場就等於唔乾淨，
因為賣海鮮地下先至少少濕，
係外面既檔口賣既野全部都係超巨型!

超多人參!

一舊舊大過Mia個頭既麵豉!

人到去市場內，好大好高既樓底，
非常清楚一邊係濕貨一邊係乾貨，

有一眼都睇唔晒甘多款泡菜，
如果比一個星期時間Mia都未必試得晒甘多款泡菜!

雖然呢邊既海鮮種類比札嘎其市場的少好多，
但都你好大好巨型的!

辣椒既份量都係甘誇張，用KG黎計算!

Mia等終於等到上車時間了!又係Mia同大Ka最愛既無窮花號!
呢條線係第一次坐咋!

大約20分鐘左右Mia等就到左海雲台了!
既然黎到釜山唔可以唔試釜山最出名既豬肉湯飯，
原本Mia等想去食好多人推介既--王豬肉湯飯店

連CNBLUE的敏赫和宗泫認證過，
但唔知點解找唔到，唔想再浪費時間了!

所以試左呢間好易找既-密陽血腸豬肉湯飯(距離海雲台地鐵站5號出口1分鐘就到)，

Mia等終於可以食今日既第一餐，
小菜同平常常吃既有少少唔同，
有韮菜、大醬、蝦仔、醃蘿蔔、泡菜、辣椒而麵就係一陣加入湯飯食，
一定要講既係醃蘿蔔真係好好食，添左三四次(有一盅係檯任食的)，
同土族村人參雞個醃蘿蔔一棣甘好味!

等左一陣熱騰騰既豬肉湯飯黎了，
都幾足料肉份量都幾多，絕不欺場!
Mia點既係豬肉+豬內臟湯飯，

加埋小菜韮菜、大醬、蝦仔同埋麵入湯中撈埋一齊就食得了，
內臟其實係腸同豬肚，處理得好乾淨唔會有怪味，
豬肉都好滑唔會(UN)，加上湯好濃!好好味!完全唔同之前食過既雪濃湯淡而無味，
加極調味料都無無味!肉又得幾片!
大家去釜山玩時一定要試下豬肉湯飯!

補充從網絡上找來既資料----
密陽風格的豬肉湯飯跟釜山的是不一樣比起釜山口味，密陽的湯汁較為明亮透明，口味也較清淡!

Mia等食飽就行左去海雲臺海水浴場散下步，
因為天氣好凍所以無人落水玩，
消化左剛剛既豬肉湯後就坐的士去出名食蟹又平又靚既機張!
坐的士由海雲臺過機張大約won 14000，
快過等火車過去機張!

Mia等一落車就見到大大字寫住機張市場，

Mia等都行下個市場，賣既野同釜田市場相似但size就正常好多，

原來呢d好似有毛既栗子係海膽黎嫁!

周圍都係蟹呀!咩種類都有!

到買蟹既時候，Mia就用番之前韓文老師教既韓文講價，
最後平左一萬won仲送多左一蟹細蟹，哈哈!
朋友都話Mia講價時交足晒戲!
全部都係韓文老師功勞，老師話要加埋語氣先可以令對方減價!Mia等買蟹既檔口同間熟食市場內既食店聯繫左!
買完蟹就帶左Mia等上左二樓既食店等食蟹!