探險家攻略 > 休閒玩樂 / 城中探秘 / 旅遊 / 美食之旅 > 其他 / 特色景點 / 長線旅遊 / 餐廳 > ❤ 春日與櫻花約會@釜山2013 ❤ 叁 ❤

❤ 春日與櫻花約會@釜山2013 ❤ 叁 ❤

由 ka_mia 於 2013-05-18 00:00:00 發表 | 累積瀏覽 410

分類：其他長線旅遊餐廳特色景點；地區：釜山

第三日既行程定得比較鬆，
主要目的地只係全韓國賞櫻花NO.1既城市---鎮海!

由釜山去鎮海都唔算好複雜，
首先要坐地鐵去到沙上站，
係5號出口，一出去就會見到釜山西部市外巴士客運站，
(부산서부시외버스터미널 )!

釜山到韓國各地既長途巴士都係呢道找到，入到去買票大堂都唔係好多人，
梗係了果時先至係韓國時間早上七點鐘，
Mia一早準備好鎮海既韓文(진해)，
比個賣票員睇，唔洗雞同鴨講引起不必要既混亂，

原來真係加左價呀!由原本won4700加到won5100一個人了，

佢地既巴士票無寫明時間，
即有位就可以上車!即刻出去排定隊!

因為係17號站頭上車，就行定出去排隊等上車，

大大個字寫明係去鎮海，
因為當日係星期六原本以為好多會都一大早出發去鎮海，
點知只係小貓幾隻，
到底係韓國人想等軍港節開埋先去定係Mia既早鳥計劃行得通呢?

上到車就吃番個韓國必食既早餐，
香蕉牛奶加紫菜卷!
跟住就即刻訓覺差差電，因為太早起身了!

車程大約個半鐘左右，坐到去個總站就落車!
鎮海車站一個好簡陋既小車站，
但每逢櫻花季節就會有好多旅客到訪!

得一個counter賣票，人多既時候真係做死人呀!
因為Mia參考左其他blog既推介一早買埋回程巴士票先，
以免到時人多又排餐死去買票後又再排隊上車，

Mia等首先要從巴士站行去鎮海車站(火車)，

普普通通既一條街都成條街都係開滿櫻花既櫻花樹!
鎮海果係韓國櫻花最密集既城市!

同自己既另一半手拖手前慢步櫻花路感覺真係浪漫!

成地都係櫻花既花瓣!

個慶典舞台仲係setting中，

一路行都係無咩人影!

Mia等去到鎮海站都係得一個人，
但當一班火車到左站既時候成件事都唔同晒了，

鎮海車站向右手邊走一小段路會發現右邊有個地下道，
從地下道走過去會發現余佐川Romance橋(여죄전 로망스다리)這裡是有名的鎮海賞櫻路!

真係好好好多櫻花樹係橋既兩旁，
亦都真係估唔到甘早都已經甘多人，
多人到影張相都好鬼死趕，
如果唔係又唔知比人迫左去邊!
後半段既余佐川係無甘多人!

雖然只有櫻花開左，油菜花仲未開，
但係溪邊行望番上去睇又係好靚，

行下影下唔經唔覺已經係中午了，
之前食既都消化晒，好肚餓呀!
要幫襯下小食店食下野了!

Mia等都選左炸魚卷，

釜山呢邊真係甘鍾意食蟲既咩?
蟲係無處不在，連小食檔都要有甘大鍋蟲賣!

越來越多人了!要快d去下一站慶和站!
鎮海站前有巴士站牌307號巴士可到慶和站경화역!

路過今朝行過既迴旋處原來d馬車已經出晒黎!

Mia等經歷左搭錯車，
完全係搭錯左方向去左鎮海巴士站，
因為好心司機同熱情既鎮海街坊幫忙下唔收車費同帶Mia等坐arm既巴士，
上到巴士又有一個問題，唔識落車，
其實係巴士上有好多去慶和站既人，
當去到一個站特別多人既有舉動Mia就拎住張有慶和站既韓文問人係唔係呢個站落車，
當回答係yes既時間即係Mia等終於到左慶和站了!

講人多慶和站既人多到唔識形容既程度，
但韓國人都係好自律，唔會你推我我推你!Mia就覺得慶和站既櫻花隧道更加靚，條櫻花隧仲要無盡頭!

慶和站最出名既就係同火車零距離，
Mia等都無預計到會睇到火車行過，
因為慶和站係一個廢站，已經唔會有火車行駛!
因為一日得幾班車會經過慶和站，真係好好彩!
其實就快有火車行過既時候就會有韓文廣播，
見到有火車站人員係度吹BB，
跟住d韓國人就退晒係繩後面，
大家都好期待火車來臨既一刻!
係慶和站坐307/317號巴士都可以返到去鎮海巴士站!

Mia等回程時都係返沙上站!
好在一早已經買左回程既巴士票，
甘就唔洗再排隊買票，一有車開就可以上車回釜山了!
巴士張櫈可以調到接近130度，直頭似訓係度，
甘舒服又加上太早起身了，車都未開大家就訓晒了!
由總站去總站唔怕唔知醒落車!
Mia等返到釜山已經下午三點幾，
根本都未訓醒的Mia等，隨便係巴士站二樓既food court食野算了!
其實食野都幾頭痛，因為Mia等中有人唔食辣，選擇無形中受限制，
同大Ka一齊就唔會有呢個問題了!

呢個海鮮炒麵係辣既估佢唔到，不過係完全唔好食，

Mia等豆腐湯係Mia既最愛!

雖然饅頭(即餃子)既樣唔同，但味道全部都係一樣!

海鮮炒飯都係普通!

呢個冷麵係出奇地好食的，
Mia眼見佢既生意最好(因為坐左係呢間店前面)，
不斷甘有人order同按no.叫客拎野食，
食飽左有番電了可以再出發了!

Mia等去左釜山留學生介紹既釜山大學商圈行街shopping，
好易去係釜山大學站3號出口，
不過好可惜既係唔多野行，店舖分得好散，
行左一個鐘左右就走左了，
去左西面站既樂天色稅店買野，
原來真係平好多，但就太早關門了8點正就趕走所有客人，
原本想order野都被人趕走，買唔到要買既野!
到而家個心都好唔開心，
直頭送到去電梯口防止客人再行入去，
佢地真係收工第一，服務第二，

甘唯有乖乖地搭電梯落番去樂天百貨地庫，
行過見到呢個波波，呢個之前係睇過人地介紹，今次有機會試下了，
一個個其實係餅乾波加左唔同味道既糖粉，再用鎚仔整碎，
買到季節限定既士多啤梨味!

脆脆地又唔太甜都幾好味!

今日最後一站係去西面店站既一個烤海鮮店，
呢間烤貝店係難找到極點，最後去得到都只可以講一句出路遇貴人，
係西面既地面行下行下唔知自己去左邊，
甘唯有問下人了，問左一班韓國妹妹，佢地好熱心甘帶左Mia等去到網上找來既地址，
點知不來搬左去第二度，
妹妹們幫Mia等問左人間店搬左去邊，
又帶埋Mia等去新店，總算到左到間店，
入到去店內又係溝通唔到，就係呢個時候另一對貴人又出現了，
有一對先生係香港人太太係韓國人既夫婦，
聽到Mia等同店員雞同鴨講就主動走過黎幫手做翻譯，
太太既英文勁到呢!佢地本身係用英文溝通，
講左一大輪終於落好晒order，
先生唔知係唔係太耐無講廣東話不停甘同Mia等傾計，